Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба шаҳрвандон ва меҳмонони кишвар иттилоъ медиҳад, ки тибқи маълумоти обуҳавошиносон, рӯзи 28 апрели соли 2025 дар як қатор ноҳияҳои тобеи ҷумҳурӣ  ва ғарби Вилояти Мухтори Кӯҳистони Бадахшон дар натиҷаи баланд шудани ҳарорати ҳаво эҳтимоли омадни селҳо вуҷуд дорад.

Илова бар ин, аз 30 апрел то 2 майи соли ҷорӣ дар манотиқи ҷанубу ғарбӣ ва марказии вилояти Хатлон, навоҳии тобеи ҷумҳурӣ ва шаҳри Душанбе бинобар тағйирёбии обу ҳаво тӯфони гарду ғубор пешгӯӣ мешавад.

26 – уми апрели соли ҷорӣ наздик ба соати 19:00, як сокини 18-солаи ноҳияи Муъминободи вилояти Хатлон бо ҳамсинфонаш ҳангоми занбӯруғчинӣ дар минтақаи кӯҳи Ховалингиён, ки дар ҳудуди ноҳияи Шамсиддин Шоҳин воқеъ мебошад, аз сабаби рияо накардани қоидаҳои бехатарӣ дар ҷарии умқаш 250 метр сарозер шудааст.

Ҳамроҳонаш фаврӣ ба наҷотдиҳандагони Кумитаи ҳолатҳои фавқулодда муроҷиат карданд ва корҳои ҷустуҷӯиву имдод оғоз шудааст.

Ин шабу рӯз дар саросари кишвар аксияи “Тоҷикона мепӯшем” идома дорад. Бонувони кишвар бо либосҳои миллӣ сайри кӯчаву хиёбонҳо мекунанд ва бо ин васила лисбоси миллиро тарғибу ташвиқ мекнуанд.

26-уми апрели соли 2025 бонувон-кормандони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ҳамроҳ бо намояндагони дигар вазорату идораҳо ва ташкилоту созмонҳо дар як аксия ширкат ва дар ҳудуди боғи ба номи Алишери Навоӣ бо пӯшиши рангоранги миллӣ гаштугузор карданд. 

Раиси Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон генерал-полковник Раҷабалӣ Раҳмоналӣ ҳайати Дафтари башардӯстонаи Иттиҳоди Аврупо (DG ECHO) ва Ҷамъияти Ҳилоли Аҳмари Тоҷикистонро таҳти роҳбарии намояндаи Раёсати Иттиҳоди Аврупо оид ба кӯмаки башардӯстона ва ҳифзи намояндаи Департаменти ёриҳои башарӣ ва ҳифзи шаҳрвандии Иттиҳоди Аврупо (EUCHR) дар минтақаи Осиё ва Уқёнуси Ором, Бангкок ҷаноби Торбен Брюн ба ҳузур пазируфт.

 Дар ҷараёни вохӯрӣ  масъалаҳои ҳамкориҳо, шиносоӣ бо ҷараёни татбиқи лоиҳаи «Тезонидани чорабиниҳои маҳаллӣ дар шароитҳои буҳронҳои башардӯстона ва тиббӣ” дар Тоҷикистон ва зинаи анви ҳамкориҳо дар чаҳорчӯби лоиҳаи номбурдаи Раёсати кулли масъалаҳои башардӯстона (DG ECHO) ва Ҷамъияти Ҳилоли Аҳмари Тоҷикистон баррасӣ шуданд.