Рӯзи 17 майи соли 2025, соати 19:20 дақиқа дар шоҳроҳи автомобилгарди Хоруғ-Дарвоз, дар ҳудуди ҷамоати деҳоти Нулванд, мавзеи Овчалии ноҳияи Дарвоз автомашинаи боркаши тамғаи Mercedes, ки аз ҷониби як сокини ноҳияи Фирдавсии шаҳри Душанбе идора мешуд, ба дарёи Панҷ сарозер шудааст.
Дар бораи ронанда маълумоти бештаре ҷуз ин нест...
Раёсати Кумитаи ҳолатҳои фавқулодда ва мудофиаи гражданӣ дар вилояти Суғд дар асоси Нақшаи ҳамкорӣ байни Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва Ҷамъияти Ҳилоли Аҳмари Тоҷикистон рӯзҳои 14-16-уми майи соли 2025 тибқи Нақшаи кории Лоиҳаи “Суръат бахшидани фаъолияти маҳаллӣ дар шароити буҳронҳои гуманитарӣ ва тандурустӣ (ECHO-PPP)” дар Маркази таълимӣ-методии Раёсат бо иштироки 35-нафар аъзоёни кумитаи маҳалӣ оид ба ҳолатҳои фавқулодда, кормандону волонтёрон, аъзоёни гурӯҳи миллии вокуниш ба ҳолатҳои фавқулоддаи Филилаи Ҷамъияти Ҳилоли Аҳмари Тоҷикистон дар вилояти Суғд ва намояндагони он дар шаҳру ноҳияҳои Панҷакент, Исфара, Конибодом, Бобоҷон Ғафуров, Ҷаббор Расулов, Мастчоҳ ва Ашт сминари омӯзишӣ оид ба шакли содакардашудаи корҳои ҷустуҷӯӣ ва наҷотбахшӣ гузаронд.
Санаи 15 майи соли 2025 Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон генерал-полковник Раҷабалӣ Раҳмоналӣ бо Атташеи ҳарбии Сафорати ИМА дар Тоҷикистон Мэтью П. Уолтер мулоқот анҷом дод.
Раиси Кумита барои ҳамкориҳои фаъол ва саҳми Сафорати ИМА дар Точикистон дар рушди механизмҳои ҳифзи шаҳрвандӣ ва кӯмаки башардӯстона изҳори сипос намуда, қайд намудаднд, ки мулоқоти имруза дар роҳи мустаҳкам намудани ҳамкорӣ қадами муҳим аст.
Атташеи ҳарбии Сафорати ИМА дар Тоҷикистон Мэтью П. Уолтер барои қабули самимӣ ва аз ҳамкориҳо, ки натиҷаҳои босамар нишон дода буданд, хотиррасон намуд.
Санаи 15 майи соли 2025 дар толори маҷлисгоҳи Дастгоҳи марказӣ таҳти роҳбарии муовини якуми Раиси Кумита генерал-майор Латифзода Ҳ. бо мақсади баланд бардоштани маърифати ҳуқуқии зидди корупсионии ҳайати шахсӣ бо иштироки намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон семинар-машварат баргузор гардид.
Дар семинар-машварати мазкур, намояндаи Агентӣ сарнозири Раёсати муқовимат бо коррупсия подполковники адлия Розиқзода Алихони Абдулҳаким иштирок ва дар мавзуи “Моҳияти Қонуни Ҷумҳурии Тоҷикистон “Дар бораи муқовимат бо коррупсия”. Ҷиноятҳои дорои хусусияти коррупсионидошта ва методологияи хавҳои коррупсионӣ” суханронӣ намуд.
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба Агентии ҳавошиносии Тоҷикистон хабар медиҳад, ки аз 15 то 17-уми майи соли ҷорӣ дар водиҳои вилояти Хатлон, ноҳияҳои тобеъи ҷумҳурӣ ва вилояти Суғд дамои ҳаво аз 34+39º то 37+42º гарм мешавад. Манбаъ гуфтааст, ки барои моҳи май ин гуна болоравии дамо ғайримуқаррарӣ аст ва пеш иттифоқ науфтода буд.
Илова бар ин, рӯзҳои 17 – 19-уми май дар баъзе шаҳру ноҳияҳои кишвар, аз ҷумла ноҳияҳои тобеи ҷумҳурӣ, шаҳри Душанбе, вилояти Хатлон бо сабаби воридшавии тӯфони гарду ғубор аз манотиқи ҷанубу ғарб ва шимолу ғарб сатҳи олудагии ҳаво баланд мешавад.
Copyright © 2025, КЧС
