КҲФ Тоҷикистон

Ҳаводиси шабонарӯзи гузашта. Омадани сел, резиши сангу рег... Зарфи 24 соати охир дар баъзе минтақаҳои кишвар бар асари боришоти шадид омадани сел, резиши санг дар роҳҳои кӯҳӣ ва ба болои бинои истиқоматӣ афтодани дарахт ба қайд гирифта шудааст.

Дар асоси Барномаи омӯзишӣ доир ба вокуниш ва пешгирӣ намудани хушунати оилавӣ  дар шароити ҳолатҳои фавқулодда, ки аз ҷониби Фонди нуфуси аҳолии Созмони Миллали Муттаҳид (ЮНФПА) бо дастгирии молиявии Ҳукумати Британияи Кабир амалӣ карда шудааст, рӯзҳои аз 26 то 28 марти соли 2025 аз тарафи сардори Маркази ҷумҳуриявии таълимӣ – методӣ полковник Маҳмадзода Т. ва афсари калони Маркази таълимӣ-методии шаҳри Душанбе Халифазода М., бо сардорон ва мутахассисони шуъбаю бахшҳои Раёсати Кумитаи ҳолатҳои фавқулодда ва мудофиаи граждании ВМКБ дар шаҳри Хоруғ ва ноҳияҳо, ҳамзамон сардорони шуъбаю бахшҳои Раёсат ва наҷотдиҳандагони Дастаи махсуси зудамали наҷотдиҳии вилоят семинар –омӯзиш дар мавзуи “Пешгирии намудани хушунати хонаводагӣ дар шароити ҳолатҳои фавқулодда” ташкил ва гузаронида шуд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо истинод ба Агентии обуҳавошиносии кишвар хабар медиҳад, ки хатари лағзиши тарма ва омадани сел дар роҳҳои кӯҳии Тоҷикистон боқӣ мемонад

Дар таърихи башар бар асари офатҳои табиӣ одамони зиёде ба ҳалокат расиданд ва имрӯз мутаассифона, ҳеч омори дақиқи маргумир дар ин ҳаводис вуҷуд надорад. Донишмандон ба омӯзиши омилҳои офоти табиӣ ва шумори қурбониёни он хеле дер оғоз карданд. Аммо бовуҷуди ин илм ба суоли боло то ҷойе посух дорад. Маркази таҳқиқоти эпидемологии офатҳо (Centre for Research on the Epidemiology of Disasters, CRED) – як воҳиди таҳқиқотиест, ки дар донишгоҳи Лувенски (UCLouvain) Брюсел амал мекунад. Ин Марказ таърихи ҳамагӣ сисолаи таҳқиқотӣ дорад ва офоти табиӣ, низоъ дар ҷомеа, пешгирӣ аз ҳолатҳои фавқулодаро мавриди пажӯҳиш қарор медиҳад.

 CRED ҳамасола омори куштаҳои табиат (Natural Disasters Around the World)-ро расонаӣ мекунад. Тибқи омори ин бунгоҳи пажӯҳишӣ миёни солҳои 2010-2019 бар асари балоҳои табиӣ дар саросари олам ҳар сол наздик ба 600 000 нафар ҷони худро аз даст додаанд. Ин ҳамагӣ 0,1% маргумири солона дар олам аст. Гузашта аз ин ҳамасола бар асари офоти табиӣ бештар сокинони ИМА, Чин ва Ҳинд, ки мамолики пурҷамъияти ҷаҳон маҳсуб мешаванд, одамон ба ҳалокат мерасанд. 

Дар гузаштаи начандон дур хушксолӣ ва обхезӣ аз ҷумлаи маргбортарин офатҳои табиӣ дониста мешуд. Аммо башар батадриҷ роҳҳои мубориза бо хушксолиро пайдо кард. Дар айни замон заминларза марговартарин падида дар миёни ҳамаи офатҳои табиӣ ба шумор меравад. Чунончи, аз соли 2010 то 2019 267 480 нафар дар заминларзаҳои олам ҷон бохтаанд. Бар асари дамои гарм 74 244 нафар, дар обхезиҳо 50 673 ҳалок шудаанд. Тундбоду тӯфонҳо 27 632 нафарро куштанд. Бар асари хушксолӣ 20 120, дар селҳо 10 109 ва дар вулқонҳо 1 363 нафар ҷони худро аз даст доданд. Дар умум тӯли солҳои ёдшуда дар олам бар асари офоти табиӣ 452 ҳазору 602 нафар ба ҳалокат расидаанд. 

25 марти соли 2025 мулоқоти Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон генерал-полковник Раҷабалӣ Раҳмоналӣ бо Сафири Фавқулода ва Мухтори Ҷумҳурии Мардумии Чин ҷаноби Тзи Шумин баргузор гардид.