Тавсияҳои КҲФ: Дар ин ҳавои гардолуду пурчанг чӣ бояд кард?

Муддати чанд рӯзи охир ҳавои гардолуди то ҳадде тӯфонӣ кишварро фаро гирифтааст. Дар ҳамин иртибот Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз аҳолии мамлакат хоҳиш мекунад дар чунин ҳолатҳо ҳангоми роҳандозии корҳои саҳроӣ эҳтиёт бошанд, дар минтақаҳои кӯҳӣ аз ғунучини ҳезум худдорӣ намоянд. Бештар аз ҳама ба одамони гирифтори бемориҳои дил, зиққи нафас ва фишорбаландӣ таваҷҷӯҳи хоса зоҳир созанд.

Наҷоти кӯҳгардони раҳгумзада баъди 19 соати оғози ҷустуҷӯ

Боз як амалиёти наҷоти шаҳрвандони хориҷӣ дар кишвар бо муваффақият ба анҷом расид. Ба дунболи наҷоти чаҳор гардишгари исроилӣ дар кӯҳҳои Бадахшон ин бор куҳнавардони раҳгумзадаи Федератсияи Русия наҷот дода шуданд.  Амалиёти ҷустуҷӯ 19 соат давом кард.

Наҷотдиҳандагони воҳиди вокуниши сареъи КҲФ дар водии Зарафшон рӯзи 22 сентябри соли равон як амалиёти муваффақонаро дар ҷустуҷӯи ду кӯҳнаварди раҳгумзадаи Русия дар кӯҳҳои Фон воқеъ дар шимоли кишвар ба анҷом расониданд. 

Амалиёти наҷоти чор гардишгари исроилӣ бо муваффақият анҷом шуд

Чаҳор гардишгари исроилӣ, ки дар баландии 4700 метр аз сатҳи баҳр дар кӯҳҳои Помир раҳгум зада буданд, наҷот дода шуданд. Кормандони воҳиди вокуниши сареъи Кумитаи ҳолатҳои фавқулодда дар ВМКБ-ро лозим омад барои наҷоти онҳо чаҳор шабонарӯз талош кунад ва билохира шаҳрвандони хориҷӣ бе ҳеч осебе ба шаҳрҳои Хоруғ ва Душанбе интиқол дода шуданд.

Мулоқоти зиддикоррупсионӣ дар КҲФ

Бо мақсади татбиқи «Стратегияи муқовимат бо коррупсия дар Ҷумҳурии Тоҷикистон барои солҳои 2013 – 2020” ва мутобиқ ба нақшаи кории Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон оид ба муқовимат бо коррупсия мулоқоти ҳайати шахсӣ бо сарнозири Агентии давлатии назорати молия ва мубориза бо коррупсияи Ҷумҳурии Тоҷикистон Х.Розиқзода баргузор шуд.

Кумитаи ҳолатҳои фавқулода барои ишғоли вазифаҳои холӣ озмун эълон мекунад

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон барои ишғоли вазифаҳои зерин барои кор дар Раёсати хадамоти ҷустуҷӯӣ ва наҷот (шаҳри Душанбе: равоншиносон ва корманди хурди тиббӣ (ҳамшира ва бародари шафқат) озмун эълон мекунад.

Талабот ба номзадҳо ба вазифаи равоншинос: доштани маълумоти олӣ, махсус, ихтисосе, ки мувофиқи фаъолияти пешниҳодшуда мувофиқ аст ва ё маълумоти миёнаи махсус ва идомаи омӯзиш дар мактаби олӣ дар шакли ғоибона, таҷрибаи кор, ҳамчунин сифатҳои шахсие, ки ба иҷрои вазифаҳои гузошташуда имкон диҳад.

Страницы