КҲФ Тоҷикистон

Бо ташаббуси раиси ВМКБ, муҳтарам Мирзонабот Алишер Худобердӣ, бахшида ба 32-юмин солгарди Қувваҳои Мусаллаҳи Ҷумҳурии Тоҷикистон мусобиқаи футболи хурд байни тимҳои мақомотҳои қудратӣ ва ҳифзи ҳуқуқ баргузор гардид.

Дар мусобиқа 16 даста иштирок намуданд, аз ҷумла тими яккачини Раёсати Кумитаи ҳолатҳои фавқулодда ва мудофиаи гражданӣ (КҲФ) дар ВМКБ.

Санаи 21 феврали соли 2025 дар Дастгоҳи марказии Кумита бо иштироки Раиси Кумита генерал-полковник Раҷабалӣ Раҳмоналӣ, муовинони раиси Кумита, Шӯрои собиқадорон ва ҳайати шахсӣ маҷлиси тантанавӣ бахшида ба 32 солгарди таъсисебии Артиши миллӣ баргузор гардид. Дар чорабинӣ раҳбарияти Кумита ва намояндагони Шӯрои собиқадорони Кумита суханронӣ намуданд. Зикр гардид, ки дар таъсис ва рушди Артиши миллӣ Асосгузори сулҳу ваҳдати миллӣ, Пешвои миллат, Сарфармондеҳи олии қувваҳои мусаллаҳ, Генерали артиш, муҳтарам Эмомалӣ Раҳмон саҳми нотакрор ва арзанда гузоштааст.

21 феврали соли 2025, дар доираи чорабиниҳои бахшида ба 32-юмин солгарди таъсисёбии Қувваҳои Мусаллаҳи Ҷумҳурии Тоҷикистон, 100 нафар афсарону хизматчиёни Кумита аз намоишгоҳҳои Осорхонаи миллӣ дидан карданд.

Дар оғози чорабинӣ намояндаи Осорхонаи миллӣ Абдулҳамид Фирдавс ҳозиринро бо ҷашн табрик намуда, онҳоро бо тартиби гаштугузор дар осорхона шинос намуд. Ҳайати шахсӣ ба гурӯҳҳои 25-нафара тақсим шуда, бо таъриху фарҳанги миллӣ аз наздик шинос гардиданд.

18 феврали соли 2025, тахминан соати  08:30 дақиқа дар километри 130-юми шоҳроҳи Душанбе-Чаноқ, ҳудуди ноҳияи Айнӣ автомашинаи боркаши тамғаи DAF, рақами қайди давлатиаш tj 2169 МН 02, ки барои интиқоли гази моеъ пешбинӣ шудааст, ҳангоми аз самти шаҳри Хуҷанд ба самти шаҳри Душанбе ҳаракат карданаш, чаппагардон шудааст.

Ин мошин аз ҷониби як сокини 31-солаи ҷамоати деҳоти Сарихосори ноҳияи Балҷувон идора мешуд. Сабаби ҳоса аз уҳдаи идоми мошин надаромадани ронанда гуфта шудааст.

Мувофиқи маълумоти Хадамоти геофизикии Академияи миллии илмҳои Тоҷикистон санаи 18 феврали соли 2025, соати 11:03 дақиқа бо вақти маҳаллӣ дар ҳудуди Ҷумҳурии Тоҷикистон заминларза ба қайд гирифта шуд.

Маркази заминларза 314 километр ҷанубу шарқ аз шаҳри Душанбе, 30 километр ғарби ноҳияи Ишкошим дар қаламрави Ҷумҳурии Афғонистон буда, қувваи заминларза дар марказаш 3 балл ва дар ноҳияи Ишкошим 2 баллро ташкил додааст.

Тибқи маълумоти расида ин заминларза хисорот ва талафоти ҷонӣ надошт.