Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон ба шаҳрвандон ва меҳмонони кишвар иттилоъ медиҳад, ки тибқи маълумоти Агентии обуҳавошиносии Ҷумҳурии Тоҷикистон рӯзҳои 26-28 апрели соли 2025 бинобар баланд шудани ҳарорати ҳаво дар баъзе ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон хатари омадани селҳо боқӣ мемонад.

Дар робита ба ин, Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон бори дигар ба сокинон ва меҳмонони кишвар муроҷиат намуда, тавсия медиҳад, ки дар ин рӯзҳо аз рафтан ба соҳили дарёву рӯдхонаҳо, сафарҳои сайёҳӣ ба кӯҳу пуштаҳои худдорӣ кунанд.

25 апрели соли 2025 кумаки навбатии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон иборат аз масолеҳи сохтмонӣ ба осебдидагон аз заминларза дар минтақаҳои Рашт ва Тоҷикобод ирсол гардид.

Аз рӯзҳои аввали заминларза дар ноҳияҳои Рашту Тоҷикобод раванди рафъи оқибатҳои офати табиӣ ва тадбирҳои расонидани ёрии таъҷилӣ ба аҳолии осебдида таҳти назорат ва таваҷҷуҳи доимии Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон қарор дошт.

 Аз ҷумла, рӯзи 15-уми апрел дар асоси дастуру супоришҳои Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба осебдидагони заминларза дар ноҳияҳои Рашту Тоҷикобод кумакҳо аз маҳсулоти хӯрокворӣ, колоҳои рӯзгор ва масолеҳи сохтмонӣ фиристода шуданд.

Бино ба гузориши Хадамоти геофизикии Академияи миллии илмҳои Тоҷикистон 25-уми апрели соли равон соати 01:37 дақиқа дар қаламрави Тоҷикистон заминҷунбӣ ба қайд гирифта шуд.

Бино ба гузориши манбаъ маркази ин заминларза 168 километр шимолу шарқи шаҳри Душанбе, 29 километрии шарқи ноҳияи Рашт дар ҳудуди Ҷумҳурии Тоҷикистон буд.

Ҷиҳати бартарафсозии оқибатҳои офати табиӣ, заминларзаи рӯзи 24-уми апрели соли 2025, дар  ҷамоатҳои деҳоти Ҳичборак, Аскалон ва Қалъаи Сурх ин корҳо роҳандозӣ шуданд:

 24 апрели соли 2025, Комиссияи муштарак дар ҳайати муовини раиси ноҳия, мутахасисони Кумитаи меъморӣ ва шаҳрсозии ҷумҳуриявӣ ва ноҳиявӣ, кормандони Кумитаи ҳолатҳои фавқулодда,