КҲФ Тоҷикистон

Барои пешгирии холатхои садамавӣ бо пешниҳоди Кумита дар соли 2017 ба МД «Маркази гуронидани партобаҳои манбаъҳои радиоактив» 182 манбаъи нурафкани ионизатсионӣ супорида шуданд. Дар асоси нақшаи якҷояи Кумита ва Агентии амнияти ядроӣ в радиатсионии Академияи илмҳои Ҷумҳурии Тоҷикистон гамма-ченкунии автомобилӣ ва пиёдаи шаҳри Истиқлол, шаҳраки Адрасмон ва ҷамоати Деҳмойи вилояти Суғд, аз ҷумла дар майдонҳои хоктудаҳои боқимондаи урандор, ҳамчунин андозагирии радиатсионӣ дар иншоотҳои дорои хусусияти иҷтимоӣ низ гузаронида шуд.

Кормандони Раёсати кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе  дар урдугоҳҳои бачагонаи саломатии “Шарора”, “Гулхан”, “Орзу”,  “Зимчуруд” воқеъ дар дараи Варзоб барои кӯдакон дарсҳои бехатарӣ гузарониданд. Ин гуна вохӯриҳо ба он хотир гузаронида мешаванд, ки ба кӯдакон қоидаҳои амали бехатар дар обҳоро омӯзанд ва ҳамзамон расонидани ёриҳои аввалияи тиббӣ ба ғарқшавандагонро ёдрас кунанд. 

Кормандони шуъбаи кор бо ҷомеаи Дастгоҳи марказӣ, Раёсати Кумитаи ҳолатҳои фавқулодда ва мудофиаи гражданӣ дар шаҳри Душанбе ва се вилояти кишвар, ҳамчунин кормандони Кумита дар минтақаи Рашт зинаи аввали дарсҳои омӯзишии такмили ихтисосро ба поён расонданд. Дарсҳо бар асоси созиши ҳамкориҳои дуҷониба бо Барномаи САҲА дар шаҳри Душанбе дар самти пешгирӣ ва бартарафсозии оқибатҳои офатҳои табиӣ баргузор гардид.

Рӯзи 29-уми июл таҳти раёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор шуд. Дар маҷлиси Ҳукумати мамлакат нахуст масъалаи “Дар бораи ҷамъбасти натиҷаҳои рушди иҷтимоию иқтисодии Ҷумҳурии Тоҷикистон дар нимсолаи якуми соли 2019 ва вазифаҳо барои нимсолаи дуюми соли 2019” баррасӣ гардид. Доир ба натиҷаҳои рушди иҷтимоию иқтисодии мамлакат Сарвазири Ҷумҳурии Тоҷикистон Қоҳир Расулзода ҳисобот дод.