КҲФ Тоҷикистон

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба  маълумоти Агентии ҳавошиносии Тоҷикистон хабар медиҳад, ки аз 27 то 29-уми сентябри соли равон дар як қатор ноҳияҳои ҷануби кишвар ва навоҳии тобеъи ҷумҳурӣ шамоли пуршиддат пешбинӣ мешавад. Бод бо суръати 17-22 м/с мевазад ва эҳтимол чангхок дар ин қаламрав зиёд аст.

25 сентябри соли 2022 се гардишгар дар кӯҳи деҳаи Варзобқалъаи ноҳияи Варзоб ба фалокат дучор омадаву яке ҳангоми афтодан маъюб шудааст. Ин се тан дар ин макон ба ҳоли ногувор афтодаву дигар наметавонистанд бе кумаки дигарон худро наҷот диҳанд.

Дар бораи ин ҳодиса ба Қисми навбатдории Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон зане хабар дод,ки   тариқи телефон хабардор шудааст.

Як сокини 13-солаи ҷамоати деҳоти Рӯдакии шаҳри Панҷекат ҳангоми шиноварӣ дар рӯди Зарафшон ғарқ шудааст. Сабаби фоҷеа риоя нашудани қоидаҳои оббозӣ ва беназорат мондани наврас гуфта шудааст.

Ин ҳодиса рӯзи 24-уми сентябри соли равон рух додаааст. Ва ба дарёфти хабар дастаи зудамали наҷотдиҳандагони Кумитаи ҳолатҳои фавқулодда ва мудофиаи граждании...

Тавре ба ҳамватанонамон маълум аст, дар натиҷаи низоъҳои сарҳадии чанд рӯз пеш рухдода шумораи зиёди сокинони мавзеъҳои наздисарҳадии шаҳри Исфара ва ноҳияи Бобоҷон Ғафурови вилояти Суғд хисороти ҷонию молӣ диданд, аз ҷумла манзилҳои истиқоматиашон хароб гардид.

Вобаста ба ин, Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Фармоиши Ҳукумати Ҷумҳурии Тоҷикистонро имзо карданд, ки дар асоси он ба 300 оилаи зарардидаи шаҳри Исфара ва ноҳияи Бобоҷон Ғафуров кумаки навбатии моддӣ ҷудо карда шуд.

23 сентябр бо ташаббуси Ҳукумати Ҷумҳурии Тоҷикистон боз зиёда аз дуюним миллион воя ваксинаи “КоронаВак” аз Ҷумҳурии  Мардумии Чин вориди кишвар гардид, ки дар маросими қабули онҳо дар фурудгоҳи байналмилалии шаҳри Душанбе муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед, намояндаи Вазорати корҳои хориҷии Ҷумҳурии Тоҷикистон ва Сафири Ҷумҳурии Мардумии Чин дар Тоҷикистон Тзси Шумин иштирок намуданд.