КҲФ Тоҷикистон

Рӯзи 1 июли соли 2024 дар деҳаи Дашти Марзо, ҷамоати деҳоти Қалъаи Дашти ноҳияи Файзобод сел ома два он ба 10 қитъаи замини наздиҳавлигии сокинон, боғҳо ва роҳҳои байни деҳаҳо зарар расонд.

Корҳо барои бартараф анмудани паёмадҳои офат оғоз шудааст.

Талафоти ҷонӣ нест. 

Наҷотдиҳандаҳои кӯҳии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон паёмадҳои як садамаи маргбор дар роҳи Кӯлоб-Душанберо бартараф карданд.

Ба қисми навбатдории Кумита рӯзи 1 июли соли равон соати 06:28 дақиқаи вақти маҳаллӣ хабар расид, ки дар дохили нақби «Хатлон» се мошин ба ҳам бархӯрданд. 

Наҷотдиҳандагони КҲФ дар шаҳри Кӯлоб ба ҷойи ҳодиса расида, бо истифода аз таҷҳизоти махсус маҷруҳшудагон дар садамаро аз дохили мошинҳо ва ҷасади як нафар ҳалокшударо берун оварданд ва ба кормандони тиб супурданд.

Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон ба таваҷҷӯҳи шаҳрвандон ва меҳмонони кишвар мерасонад, ки тибқи маълумоти обуҳавошиносон, рӯзҳои 1-2 июли соли 2024 дар ноҳияҳои алоҳидаи тобеи ҷумҳурӣ, дар вилояти Суғд ва дар навоҳии ғарби Вилояти Мухтори Кӯҳистони Бадахшон хатари омадани сел боқӣ мемонад.

30 июни соли 2024 наздик ба соати 15 боришоти зиёд дар деҳаи Яхақ, ҷамоати деҳоти ба номи И.Ҳалимов ва дарёи Зуманаки ноҳияи Нуробод сабаби омадни сел шуд. Дар натиҷа сел як селгузарро ба масоҳати 60 метр ва баландии 3 метр аз лойю лойқа пур кард. Дар айни замон корҳои рафи паёмадҳои офати табиӣ идома доранд. Талафоти ҷонӣ нест.

Ҳодисаи дуюми омадани сел дар минтақаи Варзоб ба қайд гирифта шудааст. 30 июни соли 2024 соати 16:22 сел аз дараи Мазор, воқеъ дар ҳудуди деҳаи Хоҷа-Обигарми ҷамоати деҳоти Варзоб-Қалъа ҷорӣ шуд. Об ба таҳхонаҳои хонаҳои сокинони маҳаллӣ ворид шуда, ҳамчунин ба иншооти ёрирасон қисман осеб расонд.

Барои бартараф намудани паёмадҳои ин офати табиӣ низ корҳои зиёд ба анҷом расонда шуданд

Талафоти ҷониву хисорати дигар нест.

Омори ин хабар аз дақиқаҳои аввали ҳодисаест, ки рӯзи 28 июни соли 2024 иттифоқ уфтод. Дар хабар гуфта мешавад, ки суқути бахше аз фурудгоҳи шаҳри Деҳлӣ, пойтахти давлати Ҳинд як кушта ва чанд захмӣ ба ҷой гузошт. Ин сутунҳо баъди як борони хеле шадид фурӯ рехт.

Тасвирҳои пахшшуда дар шабакаҳои иҷтимоӣ ҳикоят аз он мекунанд, ки сутунҳои бузурге, ки сақфро нигаҳ медоранд,