Дар олам ҳеч чизе бидуни таърих нест, ҳар ниҳодеро ҳам сарнавиштест, ҳар сохторе оғози таъсис дорад ва марҳилаҳои рушду тавсеа. Аз ҷумла, мақомоти ҳолатҳои фавқулодда ва мудофиаи гражданӣ, ки аввалин саҳифаҳои таърихи худро дар солҳои Ҷанги якуми ҷаҳонӣ, аниқтараш дар соли 1918 навишт.
Замоне, ки нахустин ҳавопаймоҳо дар фарози майдони ҷанг
7 августи соли 2024 тахминан соати 00:31 дақиқа дар ҳудуди ҷамоати деҳоти Лахш садамаи нақлиётӣ ба қайд гирифта шуд. Як автомошинаи тамғаи ВАЗ 2114, ки аз ҷониби як сокини 38-солаи деҳаи Чорсӯи ҷамоати деҳоти Лахш идора мешуд, ҳангоми убур аз пули мошингузари деҳаи Каёндеҳ ба канали Ғулама сарозер гашт.
Сабаби ин ҳодиса аз уҳдаи идораи мошин набаромадани ронанда гуфта шудааст.
Бар асари ин рӯйдод як духтарчаи 4-сола дар оби канал ғарқ шуда, ба ҳалокат мерасад.
Рӯзи 7 августи соли 2024 барои бартараф намудани паёмадҳои офати табиӣ дар деҳаи Зугванди ҷамоати деҳоти Зонги ноҳияи Ишкошим 5 адад техникаҳои вазнин, 8-техникаи муҳандисӣ ва 5-адад техникаҳои ёридиҳанда ҷалб шуда, масофаи 110 метр соҳили харобгардидаи селпарто тоза карда шуд.
Маврид ба ёдоварист, ки 4-уми август соли ҷорӣ бар асари боло рафтани дамои ҳаво ва об шудани пиряхҳо ин деҳа шоҳиди омадани як сели харобкор шуда буд.
6-уми августи соли ҷорӣ ба Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе хабар расид, ки дар маҳаллаи Чимтеппаи ноҳияи Фирдавсӣ, дар ҳавзи “Мехкарер” нафаре ҳангоми оббозӣ ғарқ шудааст.
Ба ҷойи ҳодиса ғаввосони Раёсати КҲФ дар шаҳри Душанбе фиристода шуданд.
Дар натиҷаи роҳандозии амалиёти ҷустуҷӯву наҷот соати 18:36 дақиқа ҷасади ғарқшуда аз об берун оварда шуд.
Бо мақсади амалӣ намудани дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҷиҳати расонидани кумак ба аҳолии зарардида аз офатҳои табиӣ ва иҷрои фармоишҳои дахлдори Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулода шуруъ аз 5 –уми августи соли 2024 ба оилаҳое, ки аз офатҳои табиӣ соли ҷорӣ пурра ва қисман зарар дида буданд, аз ҳисоби захираҳои моддии давлатӣ маводи ғизоӣ, ҷиҳози рӯзғор ва масолеҳи сохтмонӣ равона карда шуд.
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии ҳавошиносии кишвар хабар медиҳад, ки рӯзҳои 6-7-уми августи соли равон бар асари болоравии ҳарорати ҳаво дар баъзе навоҳии тобеъи ҷумҳурӣ, вилояти Суғд ва ноҳияҳои ғарбии ВМКБ хатари омадани селҳо бар асари об шудани пиряхҳо боқӣ мемонад.
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ҳамроҳ бо шарикони рушд ба монанди Барномаи ҷаҳонии озуқавории СММ дар ҶТ ба сокинони аз сел осебдида кумак расонданд.
Аз ҷумла ба 206 хонавода дар ноҳияи Фархор ва 19 оила дар ноҳияи Восеъи вилояти Хатлон маҳсулоти хӯрокворӣ, ба ҳар оила 50-килоӣ орд, 2 литр равғани рустанӣ ва 5 кило нахуд расонда шуд.
Ин кумакҳо дар шоҳидии Комиссияҳои ноҳиявии ҳолатҳои фавқулода ва кормандони масъули КҲФ ба ниёзмандон тақсим карда шуд.
1 августи соли 2024 соати 10:00 дақиқа автомашинаи тамғаи «Toyota Corolla Fielder», ки аз ҷониби як марди 59-солаи ҷамоати деҳоти Гулистони ноҳияи Вахш идора мешуд, ҳангоми ҳаракат аз маркази вилоят ба самти ҷамоати деҳоти Ваҳдат чархаш шикастааст. Мошин, ки бо суръати баланд дар ҳоли ҳаракат буд, баъди ин ҳодиса аз роҳ паридаву ба канали канори роҳ сарозер шуд.
Хушбахтона, дар ин садама касе осеб надид.
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо истинод ба Агентии обуҳавошиносии кишвар хабар медиҳад, ки аз 2 то 5 августи соли 2024 бинобар баланд шудани ҳарорати ҳаво дар ҳавзаҳои дарёҳои Зарафшон, Панҷ ва Вахш болоравии сатҳи об пешбинӣ мешавад.
Ҳамзамон об шудани пиряхҳо бар асари гармои шадид метавонад муҷиби омадани селҳо дар як қатор ноҳияҳои тобеъи ҷумҳурӣ, вилояти Суғд ва навоҳии тобеъи ҷумҳурӣ ва ғарби ВМКБ шавад.
Copyright © 2024, КЧС
