КҲФ Тоҷикистон

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба Агентии ҳавошиносии кишвар хабар медиҳад, ки аз 27 июл то 1-уми авггувсти соли 2024  дар ҷумҳурӣ ҳаво ба ҳадди ниҳоӣ гарм мешавад. Дамои ҳаво ба ҳадди 40-43 дараҷа дар навоҳии тобеъи ҷумҳурӣ, вилояти Суғд, то 43-46 дараҷа дар қаламрави вилояти Хатлон, аз 37 то 40 дараҷа гарм дар як қатор ноҳияҳои кӯҳӣ ва наздикӯҳӣ, 40-42 дараҷа дар ноҳияи Дарвоз дар назар дошта шудааст.

Қобили қайд аст, ки Раиси Ҳукумати Ҷумҳурии Тоҷикистон муҳтарам Эмомали Раҳмон барои такмил ва мукаммалсозии низоми ягонаи мақомоти идоракунии фаврӣ вобаста ба масъалаҳои пешгирӣ ва рафъи ҳолатҳои фавқулода диққати махсус зоҳир менамоянд.

Бо мақсади таҳкими заминаи моддӣ ва техникӣ ва иқтидори мақомоти ҳолатҳои фавқулодда ва мудофиаи гражданӣ дар

Аз 24-ум то 26-уми июли соли 2024 оид ба татбиқи Нақшаи асосии чорабиниҳои Кумитаи ҳолатҳои фавқулодда ва мудофиаи гражданӣ барои соли 2024 омӯзишҳои маҷмӯӣ гузаронида мешавад.

Дар шаҳри Истаравшан дар мавзӯи «Амали ҳайати роҳбарикунанда, комиссияҳо, қувваҳо ва воситаҳои мудофиаи гражданӣ бо ҷалби зерсистемаҳои ҳудудии Системаи ягонаи давлатии пешгирӣ ва рафъи ҳолатҳои фавқулодда» дар се давра машқҳои комплексӣ ташкил ва гузаронида шуданд.

24 июли соли 2024 дар доираи татбиқи минбаъдаи ҳамкориҳои дуҷониба дар вокуниш ба ҳолатҳои фавқулодда байни КҲФ ва Кумитаи ҳифзи муҳити зисти назди Ҳукумати Ҷумҳурии Тоҷикистон, инчунин бо мақсади баланд бардоштани сатҳи омодасозӣ ва бозомӯзии кормандон Хадамоти зидди жолаи Кумита, дар маркази таълимии шӯъбаи Хадамоти зидди жола, воқеъ дар ҳудуди шаҳри Ҳисор курсҳои омӯзишии муштарак оид ба истифодаи радиолокатсионӣ оғоз гардид. Дар дарсҳо 20 нафар, аз ҷумлаи кормандони Агентии обуҳавошиносии кишвар ва кормандони Хадамоти зидди жола иштирок доранд.

24 июли соли 2024 ҳангоми роҳандозии корҳои ҷустуҷӯву наҷот дар ҳудуди ҷамоати деҳои Қаратоғ дар рӯди Қаратоғ ҷасади як духтари даҳсола пайдо ва аз об берун оварда шуд. Ӯ сокини шаҳри Душанбе буда, рӯзи 20-уми июли соли равон дар об ғарқ шуда буд.

Имдодгарон ҷасади духтари ноболиғро 2 километр дуртар аз ҷойи ҳодиса пайдо карданд ва ба мақомоти ҳифзи ҳуқуқ барои ташхиси сабабҳои марги духтар супурданд.