2 –уми апрели соли ҷорӣ дар Раёсат ҷаласаи ҷамъбастии фаъолияти Раёсат инчунин шуъба ва бахшҳои он дар шаҳру ноҳияҳо дар давоми семоҳаи якуми соли 2025 баргузор гардид.
Дар ҷаласа муовини якуми Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон генерал-майор Ҳотамшо Латифзода, роҳбарият, ҳайати шахсӣ ва сардорони шуъбаву бахшҳои Раёсат дар шаҳру ноҳияҳо иштирок намуданд.
Ҷаласаро сардори Раёсат полковник Додиён Баҳром Одина ифтитоҳ намуда, ҳозиринро бо рузномаи он шинос намуд. Баъдан аз ҷониби муовини сардори Раёсат подполковник Кучаков Ҷамшед оид ба рух додани ҳодисаҳои хусусияти гуногундошта, гузаронидани машқу тамринҳо, вохурӣ ва корҳои таблиғотӣ дар минтақаҳои хавфнок, иҷрои корҳои пешгирикунанда ва соҳилбандӣ дар шаҳру навоҳии вилоят ва ба омӯзиш фаро гирифтани шунавандагон ба самъи ҳозирин маълумот дода шуд.
Қайд карда шуд, ки дар давоми семоҳаи якуми соли ҷорӣ дар ҳудуди вилоят 149 ҳодисаи фавқулоддаи хусусияти гуногундошта ба қайд гирифта шудаанд, ки бар асари онҳо 35 нафар ба ҳалокат расида, мабалғи зарари расонидашуда 2 миллиону 660 ҳазору 230 сомониро ташкил дод.
Дар ҳамин давраи соли 2024 дар вилоят 127 ҳодисаҳои фавқулоддаи хусусияти гуногундошта ба амал омада буд, ки бар асари онҳо 26 нафар ба ҳалокат расида, маблағи зарар 1 миллиону 818 ҳазору 116 сомониро ташкил дода буд.
Дар семоҳаи якуми соли 2025 дар ҳудуди вилоят 2 ҳодисаи фавқулоддаи хусусияти табиидошта-фаромадани тарма ба қайд гирифта шуд, ки дар натиҷа 2 шафар ба ҳалокат расидааст.
Ҳамзамон дар давоми семоҳаи якуми соли 2025 аз ҷониби Раёсат ва шуъбаю бахшҳои он дар шаҳру ноҳияҳо 38 (сию ҳашт) адад машқу тамринҳои мудофиаи гражданӣ ва 14 адад машқҳои ғайринақшавӣ гузаронида шуда, дар Маркази таълимӣ-методии Раёсат 397 нафар шунавандагон ба омӯзиш ҷалб карда шуданд.
Бо мақсади пешгирӣ намудани ҳодисаҳои нохуши фалокатовар аз ҷониби сардорони шуъбаю бахшҳои Раёсат дар шаҳру ноҳияҳои вилоят 51 вохӯрӣ ва корҳои таблиғотӣ бо иштироки 1820 нафар аҳолии дар минтақаҳои хавфнок истиқоматдошта гузаронида шуд.
Дастаи махсуси зудамали наҷоти вилоят ва Дастаи махсуси зудамали наҷот дар водии Зарафшон дар семоҳаи якуми соли 2025, дар 12 амалиёти наҷот, кофтукобӣ, пешгирӣ ва бартарафсозии оқибатҳои ҳолатҳои фавқулодда иштирок намуданд.
Дар давоми семоҳаи якуми соли ҷорӣ дар шаҳру ноҳияҳои Исфара, Панҷакент, Бобоҷон Ғафуров ва Ашт корҳои соҳилбандӣ ва тоза кардани селроҳаҳо ба масофаи 14 ҳазору 110 метр ва тозакунии каналҳои обёрикунанда ва заҳбуру заҳкашҳо ба масофаи 24,8 км ба анҷом расонида шуд.
Баъди анҷоми баромад аз тарафи муовини якуми Раиси Кумита генерал-майор Латифзода Ҳ. ба масъулини Раёсат ва сардорони шуъбаву бахшҳои Раёсат дар шаҳру ноҳияҳо вобаста ба вусъат бахшидани корҳои соҳилбандӣ ва пешгирикунанда дар минтақаҳои хавфнок, таъмири иншоотҳои муҳофизатӣ ва кучонидани муҳоҷирони экологӣ дастуру супоришҳои мушаххас дода шуд.
Баъди масъалаҳои дар ҷаласа баррасӣ гардида аз тарафи сардори Раёсати Кумита дар вилоят полковник Додиён Баҳром Одина доир ба роҳбарӣ ва иҷро гирифтани Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Стратегияи миллии Ҷумҳурии Тоҷикистон оид ба паст кардани хавфи офатҳои табии барои солҳои 2019-2030, Барномаи миёнамӯҳлати давлатӣ оид ба ҳифзи аҳолӣ ва ҳудуд аз ҳолатҳои фавқулодда барои солҳои 2023-2028, идома додани корҳои таблиғотӣ ва вохуриҳо бо аҳолии дар минтақаҳои хавфнок истиқоматкунанда ҷиҳати пешгирии ҳодисаҳои нохуш, омодагӣ ба мавсими оббозӣ, гузаронидани чорабиниҳои мудофиаи гражданӣ дар муассисаҳои таълимӣ аз он ҷумла рузҳои мудофиаи граждании намунавӣ ва ягона инчунин иҷроиши чорабиниҳои ба нақша гирифташуда вазифагузорӣ карда шуд.
