Дар охири ҳафтаи гузашта дар баъзе манотиқи кишвар резиши санг ва як рӯйдоди нохуш дар об ба қайд гирифта шудааст.

  31-ми марти соли 2025 наҷотдиҳандагони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе баъди гузаронидани чорабиниҳои оперативӣ-ҷустуҷӯӣ ҷасади духтари ҷавони ғарқшударо аз дарё берун оварданд.

 Маълум шуд, ки як сокини 17-солаи деҳаи Артучи шаҳри Панҷекати вилояти Суғд дар Кӯли Ҷавонони шаҳри Душанбе дар об ғарқ шуда, ба ҳалокат расидааст.

Имдодгарон фаврӣ ҷасадро аз об берун овраданд ва ба мақомоти ҳифзи ҳуқуқ супурданд.  

31-уми марти соли 2025 тахминан соати 14:35 дақиқаи вақти маҳаллӣ  дар километри 25-уми роҳи мошингарди Левакант-Данғара резиши санг ба қайд гирифта шуд. Бар асари ин ҳодиса ду мошини сабукрави тамғаҳои «Mercedes Benz»  ва «Opel Zafira» зарар диданд.

Як нафар аз мусфирони яке аз ин мошинҳо дар айни замон бо ҷароҳати вазнин дар бемористони шаҳри Леваканд бистарӣ аст.

Барои тоза кардани роҳ аз сангрезаҳои техника ҷудо шуда, ҳаракати мошинҳо ба ду самт таъмин шудааст.