КҲФ Тоҷикистон

Тамринҳои фармондеҳиву ситодӣ оид ба амали мақомоти идорӣ, қувваҳо ва воситаҳои зерсистемаи шаҳри Кӯлоби вилояти Хатлон ҳангоми ҳолатҳои фавқулодаи табиӣ ва техногенӣ, ҳодисаҳое, ки ба садама дар роҳҳои оҳан иртибот доранд, ахиран дар бахши вилоятии “Роҳи оҳани Тоҷикистон” воқеъ дар шаҳри Кӯлоб баргузор шуд. Бахши амалии омӯзиши ситодиву фармондеҳӣ таҳти ин маънӣ роҳандозӣ шуд: бар асари аз релс берун шудани систернаи пур аз гази моеъ ҳолати дохилии систерна вайрон шуд, газ аз он берун рехт ва оташ гирифт, ҳамзамон бо ин вагони мусофирон низ аз ин оташ осеб дид. 

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон барои дохил шудан ба Донишкадаи ВКД Қазоқистон интихоби ҷавонписарони аз 17 то 24-ро эълон мекунад.  Таҳсил тибқи барномаи омӯзишии бакалавр “Ҳифозат дар ҳолатҳои фавқулода” мегузарад. Касоне, ки ба Донишкада дохил мешаванд, дар давраи омӯзиш дар вазифаи курсант хоҳанд буд. Дар муддати довталабӣ номзадҳо ба таҳсил ба ин хизматрасониҳо пул пардохт мекунанд:

Аз 25 то 28 июни соли 2019 омӯзиши байналмилалии “Сербистон-2019” дар наздикии шаҳри Ниш доир гардид. Дар ин омӯзишҳо бештар аз 500 нафар наҷотдиҳандагон аз Русия, Сербистон, Куба, Босния ва Ҳерзоговина, Македонияи Шимолӣ, Маҷористон ва Туркия ҷалб шуда буданд. Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ин тамрин ба сифати нозир бо тариқи Конфронси видеоӣ ширкат намуд.

26 - 27 июни соли 2019 дар як қатор воҳидҳои сохторӣ ва қисмҳои ҳарбии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бахшида ба 22-солагии Ваҳдати миллӣ ҷаласаҳои тантанавӣ баргузор шуданд. Чунончӣ, дар ҷаласаи Раёсати КҲФ дар шаҳри Душанбе қайд гардид, ки барқарор шудани сулҳу субот, ба даст омадани ризояти миллӣ дастоварди бузурги таърихии халқи тоҷик аст.

Дар Маркази ҷумҳуриявии таълимӣ-методии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо дастгирии ташкилоти “Добрососедство” чорабиние бо номи “Рӯзи дарҳои боз” баргузор гардид, ки дар он наздик ба 100 нафар кӯдакон ва наврасони пойтахт ширкат намуданд. Ин чорабинӣ ба 25-умин солгради таъсиси идораи наҷоти кишвар роҳандозӣ шуда буд.