КҲФ Тоҷикистон

Бо мақсади омодагиҳо барои пешгирӣ аз ҳолатҳои фавқулодаи эҳтимолӣ, коҳиши сатҳи об ва ҷилавгирӣ аз хатари боронҳои шадиди селовар кормандони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ҳамроҳ бо намояндагони мақомоти ҳокимияти маҳаллии ноҳияи Рӯдакӣ ва Раёсати беҳдошти замин ва обёрии ноҳия даст ба тоза намудани канали Сарикиштӣ заданд.

Боз як ҷасад аз соҳили дарё пайдо шуд. Ин бор ҷавонзани 22-солае, ки боз ҳам иллати маргаш дақиқ нест. Аммо пайвандонаш гуфтаанд, ки ӯ гирифтори бемории рӯҳӣ буд ва моҳе қабл аз хона баромадаву барнагашта буд. Ин ҳодиса дирӯз, баъди аср рух дод ва кормандони Шуъбаи Кумитаи ҳолатҳои фавқулодда ва мудофиаи гражданӣ дар шаҳри Ваҳдат ҷасадро ба соҳибонаш супурданд.

Имрӯз, 25 март, 50 нафар афсарону сарбозони Раёсати Кумитаи ҳолатҳои фавқулода ва мудофиаи гражданӣ дар вилояти Хатлон, беш аз 400 нафар волонтёрони ҷавон, зиёда аз 30 нафар миробҳо ва мутахассисони Раёсати беҳдошти замин ва обёрии вилоят ба маъракаи рафъи оқибатҳои офати табиӣ дар Ҷамоати деҳоти ба номи Садриддин Айнии ноҳияи Хуросон пайвастанд.

Дар ду ноҳияи вилояти Хатлон корҳои рафъи оқибатҳои офати табиӣ идома доранд. Ҳамчуноне қаблан ҳам хабар дода будем, рӯзи 21-уми март бар асари боронҳои шадид дар деҳаҳои Ҳалқаҷар ва Пахтакори ноҳияи Хуросон ва деҳаҳои  Меҳробод, Зафаробод, Қумриободи ҷамоати Гулистон ва Ҳулбуки ноҳияи Восеъ сел омад ва ба қитъаҳои наздиҳавлигӣ, заминҳои кишт ва хонаву ҳавлии сокинон даромада зарар расонд.

Субҳи имрӯз, 26 марти соли 2020 соати 09:44  дақиқа  бо вақти маҳаллӣ дар ҳудуди Ҷумҳурии Тоҷикистон заминларза ба қайд гирифта шуд. Маркази зилзила 220 км шимолу шарқи шаҳри Душанбе, 98 км шимолу шарқи шаҳри Хуҷанд ва 24 км аз шаҳраки  Шайдони ноҳияи Ашт, дар ҳудуди Ҷумҳурии  Тоҷикистон   буд.

Бино ба гузориши созмони зилзиласанҷии кишвар қувваи