КҲФ Тоҷикистон

Ҳафтод нафар афсарон ва сарбозони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар Фестивали ҷумҳуриявии “Гулчини сурудҳои ватандӯстона”, ки таҳти унвони “Дунё пур аз ҷавонист” баргузор шуда буд, ширкат карданд.

Ин фестивал шоми 23-уми майи соли равон бахшида ба Рӯзи ҷавонони Тоҷикистон дар  бинои амфитеатри Муассисаи давлатии Боғи фарҳангӣ-фароғатии ба номи С.Айнӣ баргузор шуд. 

21 – уми майи соли 2022 баҳри пешгирӣ ҳодисаҳои ғарқшавӣ шаҳрвандон дар кӯлу дарёҳо дар мавсими баҳори тобистони соли ҷорӣ аз тарафи хизматчиёни ҳарбии Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Хатлон корҳои таблиғотию ташвиқотӣ  бо  аҳолӣ  ва  меҳмонони  шаҳри  Бохтар  гузаронида  шуд.

Аз ноҳияи Шаҳринав дар бораи дар оби канали Ҳисор ғарқ шудани ду писарбачаи 13 ва 14-сола хабар дода мешавад. Ин ноболиғон сокинони деҳаи Савдаи ҷамоати деҳоти Боғистони ноҳия будаанд.

Муддати ду рӯзи охир корҳои ҷустуҷи ҷасади ноболиғон идома дошт. Рӯзи 22-уми май ҷасади яке аз онҳо пайдо ва ба волидонаш супурда шуд. Ҷустуҷӯи ҷасади ноболиғи дигар идома дорад.

Бино ба гузориши Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон рӯзи 21-уми майи соли равон бар асари боронҳои шадид ва резиши жола об ба як қатор ҳавливу роҳрав ва таҳхонаҳои манзилҳои истиқоматии шаҳрвандони ноҳияи Фирдавсӣ  ворид шудааст.

Аз ҷумла, дар кўчаи Крупская - 2 оби борон ба таҳхонаи як сокини он ворид шудааст. Дар кӯчаи Фирдавсӣ таҳхонаи бинои 61-ро пур кардааст.

Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд аз ҳалокати ду нафар ва маҷруҳ гардидани як нафар дар як садама дар мавзеъи Сарводаи ноҳияи Айнӣ хабар дод. 

Бино ба ин гузориш мошини сабукрави тамғаи “Опел Астра”, ки ба як сокини 24-солаи деҳаи Рарзи ноҳияи Айнӣ мутааллиқ буд, ҳангоми ҳаракат ба самти маркази ноҳия ба дарёи Фон сарозер шуд.