Activities calendar

08 ноября 2019

ДОНИСТАНИҲО. Панҷгонаи хатарноктарин кӯҳҳои олам. (Бахши охир)

Замоне, ки кӯҳнавардон қасди фатҳи қуллаи Эверест (непалӣ: Согормото ба маънои Сар ба осмон ва тибетии Ҷомолунгма) мекарданд, оламиён ба ин гумон буданд, ки ин кӯҳ баландтарин ва хатарзотарин кӯҳи ҷаҳон аст. Дар ҳақиқат садҳо қӯҳнавард дар талоши фатҳи қуллаи Эверест ҷони худро аз даст дод. Вале баъдтар маълум шуд, ки Эверест ягона кӯҳи пурхатар набуда, ҳатто дар қиёс ба кӯҳҳои дигар осонфатҳшаванда ҳам будааст. Тахминан 3 ҳазор кӯҳнавардон дар солҳои гуногун муваффақ ба фатҳи қуллаи он шуданд, ки дар миёни онҳо як бачаи 13-солаи нобино ва пиразани 73-сола ҳам буданд.

Обу ҳавои рӯзи шанбе, 9-уми ноябр

    Бино ба иттилои Агентии ҳавошиносии Тоҷикистон  сардиҳо муваққатан гузаштанд, боришҳо низ. Ҳарорати ҳаво дар сар то сари кишвар каме рӯ ба гармӣ овардааст. Албатта, ҳаво ҳавои тирамоҳ, балки охири тирамоҳ аст ва тағйири ҳарлаҳза дорад.

 9-уми ноябр дар шаҳри  Душанбе ҳавои камабри бебориш дар назар дошта шудааст.   Шамол аз самти шарқ бо суръати 3-8м/с мевазад.  Ҳарорат шабона  1+3°, рӯзона 13+15 дараҷа гарм мешавад. 

Дар заминларзаи Эрон 4 нафар ҳалок ва беш аз 70 нафар захмӣ шуданд

Заминларзаи шадид дар вилояти Озабойҷони Шарқӣ, воқеъ дар шимолу ғарби Эрон чаҳор нафарро кушт ва бештар аз 70 тан захмӣ шуданд. Дар хабари расмӣ гуфта мешавад, ки қувваи заминларза дар маркази он 5,9 балл буд ва ин ҳодиса соати 02:17 дақиқаи шаб, ки маъмулан аксарият дар хоб буданд, рух дод. Мақомоти давлатӣ гуфтаанд, ки ҳоло 8 гурӯҳи имдод дар ҷойи ҳодиса кор мекунад ва машғули наҷоти одамон ва интиқоли онҳо ба маконҳои амн мебошанд.

Хабаргузориҳо ҳамчунин аз инфиҷори хати лулаи газ дар минтақа иттилоъ доданд.