Агентии ҳавошиносии Тоҷикистон  хабар дод, ки рӯзҳои 6-7 ноябри соли равон дар ноҳияҳои ҷудогонаи кишвар туман мефарояд. Ҳарорати шабонаи доманакӯҳҳо то -3 дараҷа сард мешавад ва Агентии мегӯяд ҳарорати ин ду рӯз дар минтақаҳои кӯҳӣ барои чаронидани чорво номусоид аст. 

  6-уми ноябр дар шаҳри  Душанбе ҳавои тағйирёбанда ва бебориш дар назар дошта шудааст, аммо туман мефарояд. Шамол аз самти ғарб бо суръати 2-7м/с мевазад.  Ҳарорат шабона 3+5°, рӯзона 10+12 дараҷа гарм мешавад. 

25 сол пеш 6-ноябри (соли 1994) барои тамоми мардуми тоҷик яке саннаҳои тақдир сози миллат буд, зеро маҳз дар ҳамин рӯз бо роҳи райпурсии умумихалқӣ дар Ҷумҳурии Тоҷикистон – Конститутсияи (Сарқонуни) Ҷумҳурии Тоҷикистон қабул гардидааст, ки имсол мо 25 солагии онро ҷашн гирифтем. Сарнавишти имрӯзу фардои давлатамон маҳз дар ҳамин саннаи таърихи таҷассум ёфтааст.

Ҳамватанони азиз!
Ҳозирини гиромӣ!

Қабули Конститутсияи Тоҷикистони соҳибистиқлол, ки ҳоло мо дар остонаи таҷлили 25-умин солгарди он қарор дорем, аз ҷумлаи муҳимтарин рӯйдодҳои таърихи навини халқи тоҷик ва дастоварди бузурги мардуми шарафманди кишвар мебошад. Бо камоли ифтихору сарфарозӣ тамоми сокинони мамлакат ва ҳамаи шумо – ҳозирини арҷмандро ба муносибати ин санаи бузург табрик гуфта, ба хонадони ҳар фарди Ватан сулҳу осоиш ва ба ин санади муқаддасу таърихиамон умри ҷовидонӣ орзу менамоям.

Аҳамияти таърихии Конститутсия дар он аст, ки ин ҳуҷҷати сиёсиву ҳуқуқӣ арзишҳои олии халқи тоҷикро дар худ таҷассум намуда, суннатҳои таърихии давлатдорӣ ва ғояҳои инсондӯстонаи миллати фарҳангсолори моро инъикос карда, таъмин намудани адолати иҷтимоӣ, волоияти қонуну тартиботи ҳуқуқиро яке аз мақсадҳои  асосии фаъолияти тамоми шохаҳои ҳокимияти давлатӣ қарор додааст.