КҲФ Тоҷикистон

5-уми апрели соли равон ба бахши навбатдории воҳиди вокуниши сареъи вилояти Суғд хабар расид, ки духтари ҷавоне мехоҳад худро ба дарёи Сир андозад. Дар як лаҳзаи кутоҳ наҷотдиҳандагон ба ҷойи ҳодиса ҳозир шуданд ва ба онҳо муяссар гардид, ки духтарро аз об берун кашанд. Маълум шуд, ки ин духтар 19 сол дошта, сокини ноҳияи Ашти вилояти Суғд будааст.

То омадани мошини “Ёрии таъҷилӣ” наҷотдиҳандагон ба ҷабрдида ёрии аввалини тиббӣ расонданд ва баъдан ба бемористон интиқол дода шуд. 

Бино ба хабари бахши ҳамоҳангии кумакҳои СММ сели ҷоришудаи ҳафтаи охир дар Афғонистон 80 нафарро ба ҳалокат расондаву 62 ҳазор танро дар шимоли ин кишвар овора кардааст. Рӯзҳои гузашта вилоятҳои Форёб, Сариаул, Ҷузҷон ва Балх дар шимол, Ҳирот ва Бодғис дар ғарби Афғонистон шоҳиди боришоти шадиди борон буданд, ки дар аксар мавридҳо он ба омадани сели азим меанҷомид.

Рӯзи чаҳоршанбе, 3-уми апрели соли равон мақомоти пизишки қонунии Эрон (ташхиси судӣ) ба хабарнигорон иттилоъ доданд, ки то ин замон ҷасади 62 нафар ҷонбохтагони сели ахир ба марказҳои пизишки қонунӣ таҳвил шудаааст. Ин ниҳоди давлатии Эрон гуфт, ки ин 62 тан аз ҷумлаи қурбониёни сели ахир  дар саросари кишваранд.

Бар асари таркиши газ дар рустои Кансюани вилояти Хэбейи Чин ҳаддиақал 66 нафар зарар дидаанд. Сабти видеоии ин рӯйдоди нохӯш ҳоло дар шабакаи  YouTube гардон аст. Хабар дода мешавад, ки баллони газ дар вақти анҷоми маросими гӯручӯб таркидааст. Бисёриҳо аз шиддати таркиш аз пой уфтоданд ва бар асари болои ҳам афтодану талоши фирор карданд, захм бардоштанд. Ҳолате ба миён омад, ки ҳамаро воҳима

Дар доираи рушди минбаъдаи ҳамкориҳои байналмилалӣ дар самти пешгирӣ ва бартарафсозии оқибатҳои офатҳои табиӣ татбиқи амалии чаҳор лоиҳа миёни Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон ва Кумитаи танзими кумакҳои хайрияи давлати Қатар оғоз гардиданд.

Ин лоиҳаҳо ба ҳалли масъалаҳои баланд бардоштани сатҳи касбии кормандони КҲФ, тавонмандиҳои техникии ташкили корҳои соҳилбандӣ равона шудаанд.