Рӯзи 25 январи соли 2022, соати 06:41 дақиқаи вақти маҳаллӣ дар қаламрави Тоҷикистон заминларза ба қайд гирифта шуд. Бино ба гузориши Институти геологияи Академияи илмҳои Тоҷикистон маркази ин заминларза 44 километрии ҷанубу шарқи ноҳияи Рашт дар 103 километр шимолу шарқи шаҳри Душанбе буд.
Қувваи заминларза дар маркази он 3-4 балл ва дар ноҳияи Рашт 2-3 балл буд.
Вазорати тандурустии Тоҷикистон аз ифшои боз 31 ҳодисаи гирифторӣ ба коронавирус дар кишвар хабар дод. Дар гузориши ин вазорат омадааст, ки аз аввали бақайдгирӣ то имрӯз дар кишвар 17211 нафар гирифторони сирояти COVID-19 ба қайд гирифта шуда, аз ин шумора то санаи зикргардида 16971 нафар (98,9%) шифо ёфтаанд. Инчунин, то ҳол аз бемории мазкур 124 нафар шаҳрвандони мамлакат фавтидаанд.
Ҷасади марди 49-сола, сокини иёлоти Мэрилендро ҳамсояҳо дар хонааш пайдо карданд ва баъдан ба пулис хабар додаанд. Дар утоқе, ки марди мурда пайдо шуд, ҳамроҳ бо вай бештар аз сад мори гуногун, аз ҷумла морҳои заҳрдор низ дида шуд. Аммо ҳамаи онҳо дар дохили террариумҳо (бино барои ҳифзи хазандаҳо) буданд, аз ин рӯ сабаби марги ин мард ҳоло дақиқан маълум нест.
Субҳи бармаҳали 23-уми январи соли 1989 дар мавзеъи Шарораи ноҳияи Ҳисор фоҷеае рух дод, ки доғи он то кунун дар дили ҳазорон нафар боқист. Ҳудудан 300 нафар зери хок монданд ва аксари онҳо занону тифлон ва пирони барҷомонда буданд. Мақолаи зерро ин ҷониб се сол пеш навишта буд ва субҳи имрӯз ба ёди он фоҷеа онро дубора мурур кардам. Бо каме таҳрир онро ин ҷо чоп мекунем.
Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон тавсия медиҳад, ки ба боми хонаҳои худ таваҷҷуҳ кунанд. Сокинони шаҳру деҳот бояд сари вақт боми хонаҳои худро аз барф тоза кунанд, хасу хасрӯбаҳое, ки шамол овардааст, низ аз резишгоҳи об берун намоянд. Ба ин роҳ надиҳанд, ки барфи обшуда шабонгаҳон ях бандад ва шушаи бомгӯшаҳо одамонро ҷароҳатдор кунанд.
Copyright © 2025, КЧС
