КҲФ: То 4-уми марти соли равон хатари лағзиши тарма боқӣ мемонад!

Чоп шуд: 01/03/2024 | redaktor

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба таваҷҷуҳи сокинон ва меҳмонони кишвар мерасонад, ки бино ба маълумоти Агентии ҳавошиносии Тоҷикистон аз 1-ум то 4 марти соли 2024 дар қаламрави ноҳияҳои кӯҳии тобеъи ҷумҳурӣ, вилояти Суғд ва навоҳии ғарбии ВМКБ хатари лағзиши тарма ва резиши санг боқӣ мемонад.

Ҳалокати шаш узви як оила дар шаҳри Душанбе аз дуди ангишт. Кумита сокинонро ба эҳтиёт ва риояи қоидаҳои бехатарӣ даъват мекунад!

Чоп шуд: 29/02/2024 | redaktor

Шаби 27 ба 28 феврали соли 2024 шаш нафар узви як хонадон, ки дар кӯчаи Гранзавод, хонаи 284!1, ноҳияи Фирдавсии шаҳри Душанбе зиндагӣ мекарданд, аз дуди ангиш ба ҳалокат расидаанд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба пайвандону наздикони ҳалокшудагон изҳори ҳамдардӣ мекунад ва бори дигар аз шаҳрвандон бо эҳтиромона хоҳиш мекунад ҳангоми истифода аз ангиштсанг барои гарм кардани хонаҳо дар ин фасли сард эҳтиёт кунанд.

Берун кашидани марди шаробхӯрда, ки ба чоҳи семетра фирӯ рафта буд

Чоп шуд: 29/02/2024 | redaktor

28 феврали соли 2024 соати 19:56 дақиқаи вақти маҳаллӣ ба қисми навбатдории Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон як мард занг зад ва хабар дод, ки дар кӯчаи Аҳмади Дониш №17, наздикии тарабхонаи «ОК» марде ба чоҳи семетра уфтод ва ба кумак ниёз дорад.

Барои расонидани ёрӣ дастаи навбатдорон аз воҳиди наҷоти Раёсати Кумита дар шаҳри Душанбе ба ҷойи ҳодиса фиристода шуд.

Мулоқот бо ҳайати Қазоқистон дар КҲФ

Чоп шуд: 27/02/2024 | redaktor

27 феврали соли 2024 дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон мулоқоти Раиси Кумита генерал-полковники милисия Рустам Назарзода  бо ҳайати намояндагони  ТОО "Еврокоптер Казахстан инжиниринг" – и Ҷумҳурии Қазоқистон бо сарварии тиректори тиҷоратии он ҷаноби А.А. Аринов  баргузор шуд.

Дидор бо Сафири Ҷумҳурии Федеративии Олмон

Чоп шуд: 27/02/2024 | redaktor

27 феврали соли 2024 Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, генерал-полковники милитсия Рустам Назарзода Сафири навтаъини Фавқулодда ва Мухтори Ҷумҳурии Федеративии Олмон дар Ҷумҳурии Тоҷикистон ҷаноби Йорк Шуграфро ба ҳузур пазируфт.

Дармулоқот ҷонибҳо масъалаҳои ҳамкорӣ дар самти коҳиши хатари офатҳои табиӣ, инчунин имкони оғози лоиҳаҳои муштарак, омодасозӣ ва бозомӯзии мутахассисонро баррасӣ намуданд.

Страницы