КҲФ Тоҷикистон

Шабонарӯзи гузашта дар қаламрави кишвар заминларза ва лағзиши тарма ба қайд гирифта шуд. Бино ба маълумоти Хадамоти Геофизикии Академияи миллии илмҳои Тоҷикистон 30 январи соли 2024 соати 20:45 дақиқаи вақти маҳаллӣ дар қаламрави Ҷумҳурии Тоҷикистон заминларза ба қайд гирифта шуд.

Маркази ин заминҷунбӣ 370 километр ҷанубу шарқи шаҳри Душанбе ва 33 километр шарқи ноҳияи Рӯшони ВМКБ буд.

Ҳамчуноне қаблан ҳам иттилоъ дода будем,  бино ба гузориши Агентии ҳавошиносии Тоҷикистон аз 31 январ то 3-4 феврали соли равон дар ҷумҳурӣ ҳавои номусоид боқӣ мемонад, дар аксари ноҳияҳо барфу борон меборад, шаби 30-ум ба 31-уми январ дар як қатор ноҳияҳо ин боришот шиддат мегирад. Ба истиснои қаламрави ВМКБ  аз 31 январ то 2 феврали соли равон дар аксар ноҳияҳои мамлакат туман пешбинӣ шудааст.

29 январи соли 2024 тахминан соати 01:40 шаб бар асари боронҳои шадид сел ба хонаҳои истиқоматӣ ва заминҳои наздиҳавлигии сокинон ҷамоати деҳоти Намуна, деҳаи “10-солагии Ваҳдат”, Кабут Сайфутдинови ноҳияи Панҷ ворид шуда, қисман зарар расондааст.  Аз ҷумла:дар ҷамоати деҳоти Намуна, деҳаи “10-солагии Ваҳдат” сел 8 хонаи истиқоматӣ ва 3 заминҳои наздиҳавлигии сокинонро аз лойқа пур кардааст.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба таваҷҷуҳи сокинон ва меҳмонони кишвар мерасонад, ки бино ба гузориши Агентии ҳавошиносии Тоҷикистон аз 31 январ то 3-4 феврали соли равон дар ҷумҳурӣ ҳавои номусоид боқӣ мемонад, дар аксари ноҳияҳо барфу борон меборад, шаби 30-ум ба 31-уми январ дар як қатор ноҳияҳо ин боришот шиддат мегирад.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии ҳавошиносии кишвар хабар дода буд, ки то 31 январи соли равон дар минтақаҳои кӯҳии вилояти Суғд, як қатор ноҳияҳои тобеъи ҷумҳурӣ хатари лағзиши тарма вуҷуд дорад.

Чунончӣ, 28 январи соли равон соати  23: 00 дақиқаи вақти маҳаллӣ дар километри 57 то 63 роҳи мошингарди Душанбе-Варзоб 15 ҳодисаи лағзиши тарма ба қайд гирифта шуд.

29 январ, соати 06:50 дақиқа дар километри 63 ҳамин роҳ боз як ҳодисаи лағзиши тарма сабт шуд.