Шумори гирифторони коронавирус дар олам ба 242 миллиону 291ҳазору  693 нафар расидааст. Аз аввали пандемия дар ҷаҳон 4 миллиону 928 ҳазору 042 нафар ҷони худро аз даст доданд. Ҳамоно ИМА, Ҳинд, Бразилия дар сегонаи кишварҳое мебошанд, ки теъдоди бештари сироятёфтагон ба ин вирус доранд.  Аз аввали ҳамагирӣ то кунун дар олам 6 миллиарду 617 ҳазору 986 дозаи ваксинаи зидди коронавирус тақсим карда шудааст. 

Як заминларза дар соҳилҳои Ҷопон киштиҳоеро аз қаър ба рӯи об баровард, ки даҳсолаҳо пеш ғарқ шуда буданд. Онҳо замоне дар муҳорибаи Иводзим аз ҷониби нерӯҳои армикоӣ ба асорат гирифта шуда буданд ва баъдан ғарқ гардиданд. Даҳсолаҳост, ки дар қаър қарор доштанд.

Daily Mail навишт, ки ҳоло дар соҳил 24 киштии шикастаи барҷаста аз қаъри об дида мешавад.

19 октябри соли 2021 наздик ба соати 10:00 вақти маҳаллӣ ду сокини деҳаи Вишхарви ҷамоати деҳоти Рованди ноҳияи Ванҷи ВМКБ ба ҳамлаи хирс рӯбарӯ шудаву шадидан захмӣ гаштанд. Ин ду нафар, ки як 14-сола ва дуюмӣ 48 сол дошт, субҳи бармаҳал барои ҷамъоварии ҳезум ба кӯҳ рафта буданд.

Ҳангоми ҷамъоварии ҳезум дар ҷангали деҳаи Ғумаст...