Ба дунболи идомаи талошҳо барои пешгирӣ аз тахриби бештари садд дар шаҳри Дербишир воқеъ дар қалби Британияи Кабир созмони ҳавошиносии ин кишвар аз бориши боронҳои шадид ва эҳтимоли омадани сел ҳушдор додааст. Бо вуҷуди он ки мақомот барои наҷоти садд аз тахриб чораҳои зиёд андешидаанд, вале вайронии он дар сатҳи буҳронӣ қарор дорад.

Дар ҳоли ҳозир гурӯҳҳои оташнишонӣ ҳар соат дар ҳоли хориҷ кардани 4 миллиону 200 ҳазор литр об аз махзани ин садд ҳастанд.

Бар асари рониши замин дар деҳае воқеъ дар Ҷануби Чин ҳаддиақал 39 нафар ҷон бохтаанд. Ин ҳодиса рӯзи чаҳоршанбеи гузашта рух додааст, вале хабари он имрӯз расонаӣ шуд. Расонаҳои давлатии Чин хабар доданд, ки бештар аз 20 манзили сокинони ин русто зери гил ва лой монда, аз сарнавишти 15 нафар аз сокинон иттилоъ дар даст нест.

Мақомоти наҷот ба хабаргузории Синхуа иттилоъ додаанд, ки муваффақт ба наҷоти чиҳил нафар шудаанд. Боронҳои азим ва пуршиддан дар баъзе манотиқи ин кивар ҳамоно дар ҳоли боридан аст.

Гармои шадиди ду моҳи охир олимону муҳаққиқони гӯшаву канори Заминро ба ташвиш овардааст. Имсол моҳи июн ва июл бо гармии худ бесобиқа ба назар мерасид ва инро мо ҳамрӯза дар Тоҷикистон эҳсос мекунем. Ҳамин эҳсосро дар Амрико ҳам доранд, дар Британия, кишварҳои Осиёву Уқёнусия низ, дар Русияву Чину Ҷопону мамолики дигар низ. Гузорише, ки дар зер мехонед, аз чанд таҳқиқот, ки манбаъҳои мухталиф (ВВС, Ассошейтенпресс, РИА НОВОСТИ ва ғайра) итишор додаанд, гирифта шудааст.

Олимон ҷазираҳои Маршалро дорои болотарин сатҳи радиатсонӣ эълон карданд.  Ин хулоса аз таҳқиқоте ба миён омадааст, ки ахиран дар донишгоҳи Колумбияи ИМА анҷом гирифтааст. Таҳлилгарон гуфтаанд, ки ин стаҳи радиатсия ба ҳаёти инсон хтар эҷод мекунад. 

Дар Нигерия бар асари чаппа шудани як бино 12 нафар ба ҳалокат расиданд. Чор нафари дигар ҷароҳат бардоштанд ва ҳоло дар бемористон бистарӣ шудаанд.  Дар ин бора ширкати телевизионии  CNN истинодан ба хадамоти маҳаллии бартарафсозии ҳолатҳои фавқулода хабар дод.