КҲФ Тоҷикистон

Дар Мексика як духтар аз баландии 25 метр ба замин афтод ва зинда монд. Бино ба иттилои Daily Mail ин духтари 25-сола дар балкони хонаи худ воқеъ дар ошёнаи шашум як равиши басо хатарноки йогаро иҷро мекард ва дар натиҷа аз боло сарозер шуд. Духтарро таъҷилан дар бемористон бистарӣ карданд ва духтурон муддати 11 соат барои наҷоти ҷони вай талош карданд ва муваффақ шуданд. Вале вазъи саломатии духтар вахим аст. Бар асари ин афтиш чанд ҷойи баданаш шикаставу сараш сахт зарб хӯрдааст.  Дар айни замон духтурон кафолати муолиҷаи пурраи ӯро надодаанд.

Роҳбарони ҳафт кишвари саноатии олам дар охирин нишасти худ дар Фаронса  бо ироаи кумакҳои тоддиву техникӣ барои муқобила бо оташсӯзиҳои ҷангалҳои гармсери Амазонка мувофиқат карданд. Эмануэл Макрон - президенти Фаронса гуфтааст, ки кишварҳои гурӯҳи ҳафт 22 миллион доллар дар ихтиёри ин амалиёт қарор хоҳанд дод. Макрон дар шарҳи тасмими кумакҳо гуфтааст, ки ин миқдор асосан барои таъмини ҳазина парвози ҳавопаймоҳои оташнишонии “Фуро” пардохт  хоҳад шуд.  

Ба шарафи 30-солагии Истиқлолияти давлатии Тоҷикистон дар доираи барномаҳои 25-солагии таъсиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар қаламрави Маркази ҷумҳуриявии омӯзишӣ-методии КҲФ майдончаи варзишӣ сохта ба истифода дода шуд. Ин майдончаи варзишӣ барои баргузор намудани бозиҳои мини-футбол, волейбол ва баскетбол пешбинӣ шудааст ва бо арзи вуҷуд кардани он имкониятҳои машғул шудан ба намудҳои гуногуни варзиш на танҳо барои кормандони КҲФ, балки барои сокинони манзилҳои наздик ба он имконият фароҳам меояд.

Тоҷикистон чун кишвари мизбон дар Конфронси минтақавӣ оид ба паст кардани хавфи офатҳои табиӣ ва амалӣ гардидани Барномаи қолабии Сендай ба тавсеаи ҳамкориҳои байналмилалӣ дар самти коҳиши хатари офатҳо, иҷрои тааҳҳудоти байналмилалӣ, татбиқи тарҳҳои байналмилалии коҳиши хатари офатҳо, бахусус иҷрои Барномаи қолабии Сендай хушбин аст. Сарвазири Тоҷикистон Қоҳир Расулзода дирӯз дар мулоқоташ бо меҳмонони Конфронс ба ин нукта таъкид кард.