КҲФ Тоҷикистон

Дар доираи чорабиниҳои бахшида ба ҷашни 30-солагии таъсиси КҲФ, ҳайати шахсии Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ барои мактаббачагон ва донишҷӯёни коллеҷи тиббии шаҳри Хоруғ чорабинии маърифатӣ баргузор кард.

Ширкаткунандагони ин чорабинӣ хонандагони синфҳои 2, 6 ва

21 майи соли 2024 дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон таҳти раёсати Раиси Кумита, генерал-полковники милитсия Р.Назарзода ва Намояндаи доимии Барномаи рушди СММ дар Тоҷикистон ҷаноби Ленни Монтиел бо иштироки намояндагони як қатор созмонҳои байналмилалӣ Ҷаласаи ғайринавбатии гурӯҳи арзёбиҳои фаврӣ ва ҳамоҳангсозии ҳолатҳои фавқулодда (РЕАКТ) баргузор шуд.

Тавре қаблан ҳам Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон хабар дода буд, бо сабаби боронҳои шадиди рӯзҳои 16-18 майи соли 2024 ба километрҳои 1, 9, 11, 13, 14, 15, 18, 21, 36, 39, 43, 44, 45, 46 ва 55  роҳи мошингарди Лаби Ҷар - маркази ноҳияи Сангвор, инчунин дар километрҳои 1, 4, 8 ва 22 роҳи автомобилгарди дорои аҳамияти ҷумҳуриявӣ сел омад ва дар натиҷа лойю лойоба ва сангу рег роҳро баст.

21 майи соли 2024 гурӯҳи кории Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон якҷо бо Комиссияи ҳолатҳои фавқулодаи ноҳияи Нуробод муайян кард, ки аз офатҳои табиии рӯзҳои охир 77 оила зарар дидаанд. Аз ҷумла, 8 хоҷагӣ пурра, 4 хоҷагӣ қисман ва ба 23 иншооти ёрирасон низ осеб арсидааст.

Бо ёрии 1 адад техникаи муҳандисӣ дар тӯли 2 км роҳ аз соҳили дарёи Сурхоб то деҳаи Яхак ҳамвор карда шуд. Ҳамчунин бо иштироки 280 сокини деҳа хашар ташкил карда шуда, кӯчаҳо ва роҳҳо аз гилу лой тоза карда шуд.

Дар ҷамоатҳои деҳоти зарардидаи шаҳри Ваҳдат 21 майи соли 2024 корҳои пешгирӣ ва бартарафсозии оқибатҳои офатҳои табиӣ идома ёфтанд.

Чунончӣ, дар ҳудуди деҳаи Ромити ҷамоати деҳоти Ромит бо ёрии техникаи муҳандисӣ корҳои тозакунӣ ва барқарорсозии 80 метр соҳили дарёи байнидеҳаӣ гузаронида шуданд. Дар ҳудуди деҳаи Наврӯзи ҷамоати деҳоти ба номи Н.Розиқ бо истифода аз 1 адад техникаи вазнини муҳандисӣ масофаи 25 метр корҳои соҳилбандӣ дар дарёи Симиганҷ гузаронида шуданд.