Мувофиқи маълумоти Хадамоти геофизикии Академияи миллии илмҳои Ҷумҳурии Тоҷикистон, санаи 28 ноябри  соли 2024, соати 15:49 дақиқа дар  қаламраваи Ҷумҳурии Тоҷикистон заминларза ба қайд гирифта шуд. 

Маркази заминларза 279 километр ҷанубу-шарқӣ аз шаҳри Душанбе, 89 километр ҷанубу ғарб аз шаҳри Хоруғи ВМКБ дар ҳудуди Афғонистон буда, қувваи заминларза дар марказаш 4-балл, шаҳри Хоруғ 3 балл ва шаҳри Душанбе 2-3 баллро ташкил дод.

Тибқи маълумотҳои гирифташуда, дар натиҷаи заминларза хисорот ва талафоти ҷонӣ ба қайд  гирифта нашудааст.

27 ноябри соли 2024 дар толори Мақомоти иҷроияи ҳокимияти давлатии Вилояти Мухтори Кӯҳистони Бадахшон таҳти раёсати Раиси Ҳукумати вилоят Алишери Мирзонабот ҷаласаи Комиссияи ҳолатҳои фавқулодаи Вилояти Мухтори Кӯҳистони Бадахшон баргузор гардид.

Дар ҷаласа масъалаҳои ҷамъбасти кори Комиссияи вилоятӣ дар соли 2024 ва вазифаҳо барои соли 2025 мавриди барарсӣ қарор гирифт. 

Дар давоми 24 соати охир дар кишвар ягон ҳодисаи табиӣ ба қайд гирифта нашудааст. Сарфи назар аз ин, воҳидҳои наҷоти Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон пайваста дар ҳолати омодабош қарор дошта, барои расонидани кумак ба аҳолӣ ҳамеша омодаанд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо истинод ба Агентии обуҳавошиносии кишвар ба таваҷҷӯҳи шаҳрвандон ва меҳмонони кишвар мерасонад, ки аз 29 ноябри соли 2024 дар ҷумҳурӣ ҳавои номусоид пешбинӣ мешавад. Борон меборад ва дар баъзе ноҳияҳо борони пуршиддат дар назар дошта шуда, дар баландиҳои беш аз 1800 метр аз сатҳи баҳр барф меборад.

Бориши борон метавонад боиси баланд шудани сатҳи оби дарёҳои наздикӯҳӣ ва кӯҳӣ шуда, хатари омадани сел, резиши санг ва лағзиши тарма вуҷуд дорад.

22 ноябри соли 2024 дар доираи сафари корӣ ба ноҳияи Сангвор Муовини Сарвазири Ҷумҳурии Тоҷикистон Сулаймон Зиёзода ва Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон генерал-полковники милитсия Рустам Назарзода дар як маросими тантанавӣ ба сокинони аз офати табиӣ осебдида калиди хонаҳои навро супурданд.

Бо дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ҳукумати Ҷумҳурии Тоҷикистон ба оилаҳои осебдида барои бунёди хонаи нав сари вақт кумак расонид.