Дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикитсон лоиҳаи нави Анҷумани ҳамкориҳои байналмилалии Олмон дар Тоҷикистон, ки Вазорати иқтисод ва рушди Олмон барои таҳкими иқтидори сохторҳои давлатии Ҷумҳурии Тоҷикистон ва Ҷумҳурии Қирғизистон дар сатҳи ин анҷуман сармоягузорӣ мекунад, рӯнамоӣ шуд. Қарор аст ин тарҳ то соли 2022 идома кунад ва панҷ ноҳияи озмоиширо фаро гирад. Ин лоиҳа имкон медиҳад, ки дар КҲФ пойгоҳи иттилооти  ҷуғрофӣ сохта шавад.

5 ноябри соли  2019 сафари расмии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Конфедератсияи Швейтсария оғоз гардид.  Меҳмони олиқадр, Президенти Ҷумҳурии Тоҷикистон муҳтарам Эмомалӣ Раҳмонро Президенти Конфедератсияи Швейтсария муҳтарам Ули Маурер гарму самимӣ пешвоз гирифт

Тоҷикистон ва Барномаи ҷаҳонии озуқаи СММ ҳамкориҳои худро дар заминаҳои коҳиши хатари офатҳо, мутобиқ шудан ба иқлим, омодагиҳо ва вокуниш ба ҳолатҳои фавқулода густариш медиҳанд. Дар ин бора Ёддошти тафоҳуме гувоҳ аст, ки имрӯз дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон имзо шуд.

Иттиҳодияи Аврупо мехоҳад дар пешгирӣ ва бартарафсозии оқибатҳои ҳолатҳои фавқулода бо Тоҷикистон бештар ҳамкорӣ кунад. Дар охирин дидори намояндаи ин ниҳоди аврупоӣ бо генерал Рустам Назарзода таъкид шуд, ки тағйири иқлим боиси афзоиши ҳамарӯзии ҳолатҳои фавқулода шуд, ки бар асари он мардум азият мекашанд ва бадтар аз ин онҳо куштаву захмӣ мешаванд. Аз ин рӯ, Иттиҳодияи Аврупо омода аст дар ҳалли ин масоил ва коҳиши хатари офатҳо ҳар кумаки лозимро ба Тоҷикистон расонад.

Сафири Фавқулода ва Мухтори Ҷумҳурии Фаронса дар Ҷумҳурии Тоҷикистон мегӯяд кишвараш дар оянда низ ҳамкориҳо дар самти пешгирӣ ва бартарафсозии оқибатҳои офатҳои табиӣ дар Тоҷикистонро тақвият мебахшад. Сарвари идораи наҷоти Тоҷикистон сатҳи волои омодагии мураббиёни Фаронса, ки таҷрибаи худро ба ҳамкасбони тоҷики худ омӯхтанд, ситоиш кард.