КҲФ Тоҷикистон

Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Хатлон иттилоъ дод, ки ҷасади як ноболиғе дар канали Ҷайҳун пайдо шудааст, ки 8 рӯз пеш нопадид шуда буд.

Дар хабар омадааст, ки ин писарбача, ки сокини кӯчаи Мирзоқодирови шаҳри Бохтар буд, ҳамагӣ 9 сол дошт.

Тибқи маълумоти сардори шуъбаи  Кумита дар ноҳияи Рӯдакӣ рӯзи гузашта, соати 16:30 дақиқа, бинобар сабаби боришоти зиёд  дар ҷамоати деҳоти Эсанбой  аз талу теппаҳо сел фаромада,  роҳи ҷамоат то маркази ноҳия,  аз километри 16 то 54-ум муваққатан баста гардид. Иничунин дар километри 68-ум 1 адад пули мошингузар, ки маркази ноҳияро ба ҷамоати деҳоти Эсанбой пайваст мекард, пурра шуста вайрон намудааст.

Тибқи маълумоти сардори бахши  Кумита дар ноҳияи Хуросон рӯзи 20-уми июни соли 2022 соати 14:30 дақиқа, бинобар сабаби боришоти зиёд  дар ҷамоати деҳоти Ғалаобод, деҳаи Меҳнатобод аз минтақаи обгузари маҳаллаи Низомбои дараи Оқсу, минтақаи №1  сел омад.

Дар натиҷа зиёда ба 30 замини наздиҳавлигии шаҳрвандон, иншоотҳои ёрирасон, симтурҳо, хатҳои барқ, роҳҳои мошингузари байни деҳаҳо, қубурҳои обгузар ва насосҳои обкашонӣ зарар расидааст.

Субҳи рӯзи 20-уми июни соли равон, соати 09:25 дақиқа дар хиёбони  Рӯдакӣ № 13/1, ноҳияи Шоҳмансури шаҳри Душанбе дар дохили қахвахонаи  “Лола”  дар натиҷаи таркиши балони гази моеъ  сӯхтор ба амал омад.

Сӯхторро хадамоти оташнишонии шаҳри Душанбе пурра хомӯш кард.

Инфиҷор талафоти ҷонӣ надошт. Вале се нафар шаҳрвандони аз 20 то 32-сола бо ҷароҳатҳо ба беморхонаи марказии №3-и шаҳри Душанбе интиқол ва бистарӣ карда шуданд. Онҳо зери назорати духтурон қарор доранд.

Рӯзи 20 июни соли 2022, соати 19⁵⁴ дақиқа  нозири милитсияи минтақавӣ ба навбатдори фаврии Раёсати Кумитаи ҳолатҳои фавқулодда ва мудофиаи гражданӣ дар шаҳри Душанбе хабар дод, ки дар дохили канали “Дериватсионӣ” Варзоб, дар имтидоди соҳили канал, ки аз кӯчаи Нодираи ноҳияи Исмоили Сомонӣ убур мекунад, ҷасади як шахси номаълум намудор шудааст.