КҲФ Тоҷикистон

21 феврали соли 2025, дар доираи чорабиниҳои бахшида ба 32-юмин солгарди таъсисёбии Қувваҳои Мусаллаҳи Ҷумҳурии Тоҷикистон, 100 нафар афсарону хизматчиёни Кумита аз намоишгоҳҳои Осорхонаи миллӣ дидан карданд.

Дар оғози чорабинӣ намояндаи Осорхонаи миллӣ Абдулҳамид Фирдавс ҳозиринро бо ҷашн табрик намуда, онҳоро бо тартиби гаштугузор дар осорхона шинос намуд. Ҳайати шахсӣ ба гурӯҳҳои 25-нафара тақсим шуда, бо таъриху фарҳанги миллӣ аз наздик шинос гардиданд.

18 феврали соли 2025, тахминан соати  08:30 дақиқа дар километри 130-юми шоҳроҳи Душанбе-Чаноқ, ҳудуди ноҳияи Айнӣ автомашинаи боркаши тамғаи DAF, рақами қайди давлатиаш tj 2169 МН 02, ки барои интиқоли гази моеъ пешбинӣ шудааст, ҳангоми аз самти шаҳри Хуҷанд ба самти шаҳри Душанбе ҳаракат карданаш, чаппагардон шудааст.

Ин мошин аз ҷониби як сокини 31-солаи ҷамоати деҳоти Сарихосори ноҳияи Балҷувон идора мешуд. Сабаби ҳоса аз уҳдаи идоми мошин надаромадани ронанда гуфта шудааст.

Мувофиқи маълумоти Хадамоти геофизикии Академияи миллии илмҳои Тоҷикистон санаи 18 феврали соли 2025, соати 11:03 дақиқа бо вақти маҳаллӣ дар ҳудуди Ҷумҳурии Тоҷикистон заминларза ба қайд гирифта шуд.

Маркази заминларза 314 километр ҷанубу шарқ аз шаҳри Душанбе, 30 километр ғарби ноҳияи Ишкошим дар қаламрави Ҷумҳурии Афғонистон буда, қувваи заминларза дар марказаш 3 балл ва дар ноҳияи Ишкошим 2 баллро ташкил додааст.

Тибқи маълумоти расида ин заминларза хисорот ва талафоти ҷонӣ надошт.

 Раёсати Кумитаи ҳолатҳои фавқулодда ва мудофиаи гражданӣ дар вилояти Хатлон барои бахши Раёсати Кумита дар ноҳияи Шаҳритус сармутахассис оид да чорабиниҳои ҲФ ва МГ меҷӯяд. Музди меҳнат 2168,00 сомонӣ.

      Талаботҳои тахасс

     Барои мансаби сармутахассис – таҳсилоти олии касбӣ, ихтисоси ба мансаби ишғолшаванда мувофиқ, ки иҷрои самараноки вазифаҳои ба зиммааш гузоштаро тавонад иҷро кунад, 2 сол собиқаи хидмати давлатӣ ё 3 сол собиқаи умумии корӣ дошта бошад.

Кумитаи ҳолатҳои фавқулодда ва мудофиаи гражаднии назди Ҳукумати Ҷумҳурии Тоҷикистон ба таваҷҷуҳи сокинон ва меҳмонони кишвар мерасонад, ки бино ба гузориши Агентии ҳавошиносии Тоҷикистон рӯзҳои 18-19-уми феврали соли равон хатари лағзиши тарма дар шоҳроҳи Душанбе-Чаноқ, бахусус дар километрҳои 62-74-и ин роҳ боқӣ мемонад.
Дар ҳамин иртибот Кумита аз ронандагон ва шаҳрвандон...