КҲФ Тоҷикистон

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон барои ишғоли вазифаҳои зерин барои кор дар Раёсати хадамоти ҷустуҷӯӣ ва наҷот (шаҳри Душанбе: равоншиносон ва корманди хурди тиббӣ (ҳамшира ва бародари шафқат) озмун эълон мекунад.

Талабот ба номзадҳо ба вазифаи равоншинос: доштани маълумоти олӣ, махсус, ихтисосе, ки мувофиқи фаъолияти пешниҳодшуда мувофиқ аст ва ё маълумоти миёнаи махсус ва идомаи омӯзиш дар мактаби олӣ дар шакли ғоибона, таҷрибаи кор, ҳамчунин сифатҳои шахсие, ки ба иҷрои вазифаҳои гузошташуда имкон диҳад.

Иттиҳодияи Аврупо мехоҳад дар пешгирӣ ва бартарафсозии оқибатҳои ҳолатҳои фавқулода бо Тоҷикистон бештар ҳамкорӣ кунад. Дар охирин дидори намояндаи ин ниҳоди аврупоӣ бо генерал Рустам Назарзода таъкид шуд, ки тағйири иқлим боиси афзоиши ҳамарӯзии ҳолатҳои фавқулода шуд, ки бар асари он мардум азият мекашанд ва бадтар аз ин онҳо куштаву захмӣ мешаванд. Аз ин рӯ, Иттиҳодияи Аврупо омода аст дар ҳалли ин масоил ва коҳиши хатари офатҳо ҳар кумаки лозимро ба Тоҷикистон расонад.

Дар Рашт аз як қасди худкушӣ пешгирӣ шуд ва ин ба шарофати амали фавриву тадбирандешии оҷили воҳиди наҷоти Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар минтақаи Рашт муяссар гардид.

Бар қисми навбатдорӣ занг заданд, ки ҷавоне мехоҳад худкушӣ кунад, фавран ҳозир шавед! Ин ҷавон сокини 25-солаи деҳаи Сари Шухони ҷамоати Аскалони ноҳияи Рашт буд. Ин русто канори рӯди Сурхоб ҷойгир аст.

Гурбаи Қимат Абдуназарова ҳеч боре набуд, ки ҷойе дармонад. Ин ҷонвари чолок ҳамеша худро аз ҳар мушкил ба осонӣ раҳо мекард, вале ин бор дармонд. Ва боз дар куҷо? Дар айвончаи хонаи соҳибаш. Ҳамон айвончае, ки шояд пештар борҳо аз он болову поён парида буд. Маъмулан гурбаҳо хеле кам ба фалокат дучор меоянд, чолокиву заковаташон имкон медиҳад, ки аз ҳар мушкил ҷонашонро раҳонанд. Аммо ин бор гурбаи Қимат Абдуназарова ба ҳадде соҳибашро дар ташвиш гузошт, ки зарур омад аз наҷотдиҳандагони Кумитаи ҳолатҳои фавқулодда талаби ёрӣ кунад.

Аз беназоратии волидон қариб буд як духтарчаи хандони дусола тарки олам кунад. Ин духтарча саргарми бозиҳои тифлонаи худ дар пайҷои умқаш думетраи симчӯб фурӯ рафт. Агар кормандони наҷот сари вақт намерасиданд, эҳтимол буд ин бетаваҷҷуҳӣ бо фоҷеа ба анҷом расад.

Ин ҳодиса рӯзи 11-уми сентябр рух дод. Соати 16:00 ба навбатдори Раёсати Кумитаи ҳолатҳои фавқулодда ва мудофиаи гражаднии назди Ҳукумати Ҷумҳурии Тоҷикистон дар вилояти Хатлон хабар расид, ки бар асари бетаваҷҷуҳии волидон тифле  дар мағоке  афтода, ки бештар аз ду метр умқ дорад.