КҲФ Тоҷикистон

Агентии обуҳавошиносии Тоҷикистон иттилоъ додааст, ки рӯзҳои 17-18 декабри соли ҷорӣ дар кишвар ҳавои номусоид дар назар дошта шудааст. Дар натиҷа афзоиши бориши барфу борон ва нармии ҳаво дар ноҳияҳои Ховалинг ва Муъминободи вилояти Хатлон, ҳамзамон дар ноҳияҳои Рашт, Сангвор ва ағбаи Чормағзаки ноҳияҳои тобеъи ҷумҳурӣ эҳтимоли омадани селҳо вуҷуд дорад.

Дар баробари дигар вазорату идораҳо ва мардуми шарифу сарбаланди Тоҷикистони азиз ҳайати шахсии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон низ, Паёми Президенти Ҷумҳурии Тоҷикистон муҳтарам Эмомалӣ Раҳмон ба маҷлиси олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии кишвар” ро, ки тариқи шабакаҳои телевезионӣ мустақиманд бпахш гардид, тамошо намуданд.  

Раёсати  Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Хатлон аз садамаи як қатори боркаш дар қаламрави ноҳияи Ёвон хабар дод.

Бино ба гузориши расида рӯзи 14-уми декабри соли 2025, соати 07:00 дақиқа дар ҳудуди ноҳияи Ёвон, ҷамоати деҳоти Норин, деҳаи Зафар ҳангоми ҳаракати қатори боркаш дар роҳи оҳане, ки аз Бохтар ба самти Ёвон дар ҳоли ҳаракат буд, дучори садама гардид. Манбаъ сабаби онро боридани боронҳои пай дар пай, инчунин пайдо шудани эрозияи замин дар кӯли сунъии Қайпарсой медонад, ки аз назди он роҳи оҳан убур мекунад.

Нимаи дуюми рӯзи 10 декабри соли 2025, дар Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон мулоқоти Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон генерал - полковник Раҷабалӣ Раҳмоналӣ бо Сафири Фавқулода ва мухтори Ҷопон дар Тоҷикистон доир гардид. Мулоқоти мазкурро намояндаи Вазорати корҳои хориҷии Ҷумҳурии Тоҷикистон, ҳамроҳӣ намуд.

ноҳияи Айнӣ (садамаи нақлиётӣ)

Санаи 4  декабри  соли 2025, тахминан соати 15:50 дақиқа дар километри 117-и шоҳроҳи Душанбе-Хуҷанд, мавзеъи Боғимуроди  ноҳияи Айнӣ садамаи нақлиётӣ ба қайд гирифта шуд. Автомашинаи боркаши тамғаи “Дулан” рақами қайди давлатиаш 7344NN07, ки таҳти идораи ронанда Тоҷибеков Муломурод соли таваллудаш 1986,  истиқоматкунандаи деҳаи Дар-Дари ҷамоати деҳоти Дар-Дари ноҳияи Айнӣ таълуқ дошт, ҳангоми ҳаракат аз самти шаҳри Душанбе ба самти шаҳри Хуҷанд аз уҳдаи идора намудани  нақлиёт набаромада, бо автомашина  ба ҷарии зиёда аз  100 метр сарозер шуда дар дарёи Фон афтида,  дар  ҷои ҳодиса ба ҳалокат расидааст.