Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба  маълумоти Агентии ҳавошиносии Тоҷикистон хабар медиҳад, ки аз 27 то 29-уми сентябри соли равон дар як қатор ноҳияҳои ҷануби кишвар ва навоҳии тобеъи ҷумҳурӣ шамоли пуршиддат пешбинӣ мешавад. Бод бо суръати 17-22 м/с мевазад ва эҳтимол чангхок дар ин қаламрав зиёд аст.

Дар ҳамин иртибот Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз аҳолӣ хоҳиш мекунанд бештар ба касоне, ки аз касалиҳои дилу раг азият мекашанд, ё гирифтори бемории диабети қанд ва гипертония мебошанд, диққат диҳанд.  

Аз ронандагон хоҳиш карда мешавад дар рӯзҳои тираи пур аз ғубор ҳангоми ҳаракат дар роҳҳо, бахусус роҳҳои кӯҳӣ эҳтиёт кунанд. Зеро эҳтимоли резиши санг бар асари бодҳои шадид зиёд аст.

ЧАНД ТАВСИЯ БАРОИ ИН ГУНА РӮЗҲО:

1. Бештари оби тоза нӯшед, ҳатто рӯзе на камтар аз 2-2,5 литр ва аз ин агар 0,5 литр оби минералӣ бошад, боз хубтар.

2. То ҳадди имкон тирезаҳои хонаатонро пӯшед. Агар шумо мехоҳед ҳавои хонаро тоза кунед, пас бидонед, ки бадтарин лаҳзаҳо соатҳои аввали субҳанд, вақте ҳамаи модаҳои муаллақи хатарнок ба нишаст ба замин мутамарказ мешавад.  Наздик ба нисфирӯзӣ қисмати болоии замин гарм мешавад ва зери таъсири ҳавои гарм ин модаҳои муаллақ боло мераванд. Ғайр аз ин шумо метавонед тирезаҳои худро бо докка ва ё тур бипӯшед ва хатари вуруди ҳар гуна модаи хатарнок кам мешавад. Аммо ҳамвора онҳоро бояд намнок нигоҳ доред.

3. Ҳамешаву пайваста ҳавои дохили хонаро поку тоза нигоҳ доред, бо латтаи нарму нам тоза кардани фарш ва тирезаҳоро фаромӯш накунед.

4. Духтурон дар ин гуна рӯзҳо пӯшидани ҳар гуна айнакҳои иртиботиро иҷозат намедиҳанд. 

Ба онҳое, ки гирифтори бемориҳои зиққи нафас ва роҳи нафасанд тавсия дода мешавад:

- дозаи доруҳои истеъмолиро дар ин рӯзҳо коҳиш надиҳед;

- ҳамеша бо худ ингляторҳо дошта бошем; 

- агар талабот ба ингляторҳо аз 4-6 маротиба дар як рӯз зиёд шавад, ҳатман ба духтур муроҷиат намоед.

Дар ҳоли пеш омадани ҳолати фавқулода ба телефони 112 ва ё дар қисми

навбатдории КҲФ:

223-13-11;

93 880 28 19.

Раёсати КҲФ дар шаҳри Душанбе:

225-44-73;

225-44-76; 225-44-90.

Шуъбаи КҲФ дар шаҳри Ҳисор:

(83139) 2-60-74, 2-60-45.

Раёсати КҲФ дар вилояти Хатлон:

(83222) 2-35-05;

2-78-28.

Шуъбаи КҲФ дар шаҳри Кӯлоб:

(83322) 2-36-60;

2-34-73.

Раёсати КҲФ дар ВМКБ:

(83522) 2-40-57;

2-53-47.

Раёсати КҲФ дар вилояти Суғд:

(83422) 6-58-72;

5-15-55.

ЗАНГ ЗАНЕД.