Тибқи нақшаи баргузории ҷаласаҳои ҷамъбастии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва воҳидҳои сохтории он дар вилоятҳо, ки аз тарафи раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон тасдиқ гардида буд, санаи 03 январи соли 2025 дар толори Раёсати Кумитаи ҳолатҳои фавқулодда ва мудофиаи гражданӣ дар ВМКБ ҷаласаи ҷамъбастии фаъолияти соҳаи ҳолатҳои фавқулодда ва мудофиаи граждании Кумита дар ВМКБ ва воҳидҳои сохтории он дар шаҳру ноҳияҳо дар давоми соли 2024 баргузор гардид.

Ҳамчуноне пештар ҳам хабар дода будем, дар баъзе минтақаҳои ҷумҳурӣ то 5-уми моҳи январ хатари тармаву ярч ва резиши санг дар роҳҳои кӯҳӣ боқӣ мемонад.

 3 январи соли 2025, соати 05:40 дақиқа дар километри 614-уми шоҳроҳи Душанбе-Хоруғ-Мурғоб, ки аз ҳудуди маинтақаи Ригувеси ҷамоати деҳоти Сучони ноҳияи Шуғнон мегузарад, тарма роҳро муваққатан баст. 

Барои бартараф намудани ҳолати баамаломада техникаи хадамоти роҳи вазорати  нақлиёт дар ноҳияи Шуғнон ҷалб карда шуд. Кори рафъи паёмадҳои офат идома дорад.