Аз 17 то 20 феврали соли 2021, дар Клуби марказии артиши Вазорати мудофиаи Ҷумҳурии Тоҷикистон, бахшида ба 30-солагии Истиқлоли давлатӣ ва 28-умин солгарди Қувваҳои Мусаллаҳи Ҷумҳурии Тоҷикистон бо ташаббуси Мақомоти иҷроияи ҳокимияти давлатии шаҳри Душанбе мусобиқаҳои варзишӣ байни кормандони мақомоти ҳифзи ҳуқуқ ва сохторҳои қудратии кишвар баргузор шуд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба диққати сокинон ва меҳмонони кишвар мерасонад, ки бино ба гузориши Агентии ҳавосанҷии Тоҷикистон аз сабаби гармии ҳаво ва баъдан бориши барфу борон дар минтақаҳои кӯҳиву наздикӯҳӣ хатари лағзиши тарма, ярч ва резиши санг боқӣ мемонад.
Чунончӣ, зарфи як шабонарӯзи гузашта дар роҳи

Созмони ҷаҳонии тандурустӣ шумори гирифторон ба вируси корона дар оламро  111 миллиону 970 ҳазору 286 ва ҷонбохтагонро 2 миллиону 478 ҳазору 354 нафар эълон намуд. Шабонарӯзи гузашта 119 ҳазору 667 нафар сироят шуданд ва 2 592 нафар фавтиданд. Шумори пурра муолиҷашудагон 87 миллиону 340 ҳазору 455 буда, ҳоло 94 183 нафар дар ҳоли вазнин қарор доранд.

Як мошини бензинкаши тамғаи “Дулан” дар километри 64,¹⁰⁰ шоҳроҳи Душанбе - Хуҷанд ба нишебии умқаш 30 метр сарозер шудааст ва ронанда ва мусофири он дар ҷойи ҳодиса ба ҳалокат расидаанд.

Ин ҳодисаи мудҳиш рӯзи 20 феврал соати 15:40  дақиқа рух додааст ва сабаби он аз уҳдаи идораи мошин набаромадани ронанда гуфта шудааст.