июли 2019

Ширкат дар Ҷаласаи минтақавии сарони идораҳои ҳолатҳои фавқулодаи кишварҳои Осиёи Марказӣ

Дар шаҳри Бишкеки Ҷумҳурии Қирғизистон Ҷаласаи минтақавии сарварони идораҳои ҳолатҳои фавқулоддаи кишварҳои Осиёи Марказӣ баргузор шуд, ки дар он ҳайати Ҷумҳурии Тоҷикистон бо сарварии муовини Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон полковник М.Салимзода ширкат намуд.

Дар ин ҷаласа сарварони ва намояндагони идораҳои ҳолатҳои фавқулодаи Қазоқистон, Қирғизистон, Турманистон, Узбекистон, намояндагиҳои дипломатӣ, созмонҳои байналмилалӣ ва дигар ҷонибҳои дахлдор иштирок карданд.

Мулоқоти кормандони КҲФ бо коргарони корхонаи муштараки Чину Тоҷикистон “Нуриҳои Осиё”

Кормандони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо коллективҳои меҳнатӣ пайваста вохӯриҳо мегузаронанд. Ин гуна дидору мулоқот аксар вақт дар шакли муколама доир мешавад. Шаҳрвандон ба ҳама суолҳои худ роҷеъ ба масъалаҳои амнияту бехатарӣ ва муқобилият бо офатҳои табииву ҳолатҳои фавқулода посух мегиранд.

Чунончӣ, 11-уми июли соли 2019 кормандони Раёсати КҲФ дар вилояти Хатлон бо кормандони корхонаи кимиё, ки дар Тоҷикистон калонтарин корхона дар тавлиди нуриҳои минералӣ ба шумор меравад, дарс гузарониданд. 

Зилзила шуд дар Ҳоит...Ёде аз фоҷеаи 70 сол пеш

Ин шояд як мисра аз шеъри мардумӣ буд, ки замоне шунида будам ё хонда. Ва мисраҳои баъдии онро ёд надорам. Танҳо чизе дар хотирам аз зилзилаи Ҳоит нақш бастааст, он аст, ки миёнаҳо солҳои 80 бо талоши зумрае аз зиёиёни бедор аз фоҷеаи мудҳиш ёд шуд. Пештар касе аз он ёд намекард, ба ҷуз хонаводаҳои қурбониён, ки онҳо низ паҳну парешон дар гӯшаи хоки Тоҷикистон буданд. Ва ин навиштаи як соли пеш аст. Бо таваҷҷуҳ ба ҷиддияти заминларза ва талафоти бузургаш чун ёде аз қурбониёни он заминларза, дубора рӯйи саҳфа меорем.

ГАРМОИ ШАДИДИ РӮЗҲОИ ОЯНДА: Кумитаи ҳолатҳои фавқулодда ҳушдор медиҳад!

Гармои шадид баъзан фалокатбор аст. Бахусус дар манотиқи куҳӣ, ки об шудани барфу пиряхҳо хавфи беандозаи обхезӣ доранд. Аз оби зиёд рӯдхонаҳо фаровон мешавад, об аз соҳил берун меравад, ба ҷони одамон ва молу мулку зистгоҳашон хавф таҳдид мекунад. Ин аст, ки Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии обуҳавошиносии кишвар ба таваҷҷуҳи ҳамватанон ва меҳмонони мамлакат мерасонад, ки аз ҳавои гарму хушки рӯзҳои оянда эҳтиёт кунанд!

Таҳкими ҳамкориҳои КҲФ ва Академияи тиҷорати байналмилалӣ ва рушди иқтисоди Чин

Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон генерал-лейтенант Рустам Назарзода имрӯз, 10-уми июл ҳайати Академияи тиҷорати байналмилалӣ ва рушди иқтисоди Ҷумҳурии Мардумии Чин бо сарварии Муовини аввали Раиси Академияи мазкур хонум Мао Сяодҷинро ба ҳузур пазируфт.

Шумори ҳалокшудагон дар обҳои кишвар ба 64 нафар расидааст

То 9 июли соли 2019 ба асари риоя накардани  қоидаҳои шиноварӣ дар кишвар 64 нафар ба ҳалокат расидаанд, ки 28 нафари онҳо то 16-сола, синни 36 тани онҳо болотар аз 17 сола мебошандКумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар ҳушдор медиҳад: ҳангоми оббозӣ қоидаҳои шиновариро ҷиддан риоя кунед!

Сарвари КҲФ ҳайати Дафтари минтақавии Созмони умумиҷаҳонии тандурустӣ барои Аврупо ба ҳузур пазируфт

9 – уми июли соли 2019 Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, генерал-лейтенант Назарзода Р.  ҳайати Дафтари минтақавии Созмони умумиҷаҳонии тандурустӣ барои Аврупо бо сарварии хонум Тасним Ататраро ба ҳузур пазируфт.

Сарвари КҲФ дар сухани ифтитоҳии мулоқот ба густариши ҳамкориҳо миёни ду сохтор дар самти пешгирӣ ва вокуниш ба ҳолатҳои фавқулода таъкид намуд.

Анҷоми тамрини “Вокуниши неруҳо ва воситаҳо ба ҳолатҳои фавқулодаи алоқаманд ба вуруди фавриву зиёди паноҳандагон”

Рӯзҳои 3 - 4 июли соли 2019 Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон тамринҳои саҳроӣ ва шабеҳасозӣ дар мавзуи “Вокуниши неруҳо ва воситаҳо ба ҳолатҳои фавқулодаи алоқаманд ба вуруди фавриву зиёди паноҳандагон” баргузор намуд. Ҳадафи тамринҳо санҷиши сатҳи омодагии сохторҳои давлатӣ ва шарикони кумакрасон дар идораи ҳолатҳои фавқулода мутобиқ ба ҳуқуқи байналмилалии гуманитарӣ буд.

Оғози тамринҳои муштараки “Вокуниши неруҳо ва воситаҳо ба ҳолатҳои фавқулодаи алоқаманд ба вуруди фавриву зиёди паноҳандагон”

Бо мақсади татбиқи Нақшаи чорабиниҳои асосии Ҷумҳурии Тоҷикистон дар масъалаҳои мудофиаи гражданӣ, пешгирӣ ва бартарафсозии оқибатҳои офатҳои табиӣ дар соли 2019, ҳамчунин беҳтар кардани ҳамкориҳо ва ҳамоҳангиҳо миёни  вазоратҳо ва идораҳо - аъзои Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулода ва созмонҳои байналмилалии муқими кишвар Кумитаи ҳолатҳои фавқулодда ва мудофиаи грждании назди Ҳукумати Ҷумҳурии Тоҷикистон имрӯз ба тамринҳои саҳроӣ таҳти унвони “Вокуниши неруҳо ва воситаҳо ба ҳолатҳои фавқулодаи алоқаманд ба вуруди фавриву зиёди паноҳандагон

Ҳалокати даҳ нафар дар як садамаи ҳавопаймоӣ

Бар асари суқути ҳавопаймои думотора дар иёлоти амрикоии Техас даҳ нафар кушта шуданд. Дар ин бора ширкати телевизионии   CBS DFW истинодан ба манбаъҳои расмӣ хабар дод.

Таблиғи таъмини амният дар замони истироҳати тобистон

Тобистон аст ва мавсими тафреҳу истироҳат. Аксаран аз гармои шадид ба соҳили рӯдхонаву обанборҳо паноҳ мебаранд. Гурӯҳе дӯст медоранд шиноварӣ кунанд ва рӯзҳои истироҳату рухсатии худро сарфи ин шуғл мекунанд. Гурӯҳе завқу шавқи моҳидорӣ доранд. Ва мераванд лаби соҳил ва шаст ба дарё меандозанд. Аксари кӯдакону наврасонро волидонашон бо худ ба истироҳат мебаранд ва боз ҳам ба соҳилҳо, зеро макони хуби истироҳат ва фирор аз гармо ҳамин соҳилҳоянд. Ва будубош дар соҳилҳо қонунҳои навиштаву нонавиштаи худро доранд, ки шояд на ҳама хуб медонанд.