Рӯзи 20 июни соли 2022, соати 19⁵⁴ дақиқа  нозири милитсияи минтақавӣ ба навбатдори фаврии Раёсати Кумитаи ҳолатҳои фавқулодда ва мудофиаи гражданӣ дар шаҳри Душанбе хабар дод, ки дар дохили канали “Дериватсионӣ” Варзоб, дар имтидоди соҳили канал, ки аз кӯчаи Нодираи ноҳияи Исмоили Сомонӣ убур мекунад, ҷасади як шахси номаълум намудор шудааст.

Бино ба гузориши сардори бахши Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон  дар ноҳияи Деваштич дирӯз, 20-уми июн соати 11:20 дақиқа дар деҳаҳои Басманда ва Метки ҷамоати деҳоти Ваҳдат ва деҳаи Дархони ҷамоати деҳоти И.Сомонӣ бар асари боронҳои шадид сел омад.

Сел ба заминҳои назди ҳавлигии шаҳрвандон, хоҷагиҳои ёрирасон, заминҳои кишоварзӣ, роҳҳои маҳалӣ зарар расонда,  ба 150 метр канали обгузар  лойқа ва сангу шағал ворид кардааст.

Аз 16 то 18 июни соли 2022 дар ноҳияи Хуросон машқи фармондеҳӣ – ситодии мудофиаи гражданӣ дар мавзъуи «Амали ҳайати роҳбарикунанда ва қувваю воситаҳои мудофиаи граждании ноҳия, ҳангоми баридани боришоти зиёд, омадани сел аз доманакӯҳҳо ва зери хатар мондани  ҳудуди  ҷамоатҳои  шаҳраку  деҳоти  ноҳия»  гузаронида  шуд.

Дар заминаи машқи мазкур рӯзи 17 июни  соли ҷорӣ дар ҷамоати деҳоти Қизилқала, деҳаи Меҳнатободи...

Як сокини 36-солаи деҳаи Мавҷи ноҳияи Рӯдакӣ бо ҷасорат ва талоши камназир ҷони ду бонуи ҷавонро аз хатари ғарқ шудан дар оби рӯди Элок наҷот додааст. Ин ҷавонмард, ки аз ӯ Алиҷон Тоҷибоев ном бурда мешавад, рӯзи гузашта ҳангоми сайругашт дар соҳили Элок чашмаш ба ҷавондухтароне меафтад, ки дар об ғарқ мешуданд

Ӯ фурсатро аз даст надода, ба зудӣ худро ба об ҳаво медиҳад ва аввал яке ва баъд дуюмиро наҷот медиҳад.

Бино ба маълумоти сардори шуъбаи Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ноҳияи Рӯдакӣ як сокини 22-солаи деҳаи Фалакони ноҳияи Шоҳмансури шаҳри Душанбе дар рӯди Кофарниҳон ғарқ шудааст ва бо вуҷуди ҷустуҷӯҳои дурӯза иттилое аз пайдо шудани ҷасад нарасидааст.

Ин ҷавони 22-сола рӯзи 19-уми июн аз хона ба қасди моҳигирӣ баромада ва ба самти дарёи Кофарниҳон ҳаракат кардааст. Шаҳрванд аз соҳил ба соҳили муқобил гузаштаву машғули моҳидорӣ шудааст.