20 июни соли  2024  соати 11:49 дақиқа дар натиҷаи боронҳои пуршиддат дар қаламрви деҳаҳои Ориёндеҳ ва Хоҷағалтони ҷамоати деҳоти Шӯроободи ноҳияи Шамсиддин Шоҳин сел омад. Дар натиҷа 12 қитъаи наздиҳавлигии сокинони деҳаи Ориёндеҳ аз лойоба пур шуд.

Ҳамчунин дар километри 216 роҳи мошингарди Шамсиддин Шоҳин-Дарвоз-Ванҷ, ки аз рустои Ҳоҷиғалтони ҷамоати Шӯрообод мегузарад, тӯдаи сангу регу лой ҳаракати мошинҳоро номумкин кард.

Барои роҳандозии корҳои рафъи пайёмадҳои офати табиӣ техникаи хадамоти роҳи ноҳия ҷалб карда шуд ва фурсате баъд ҳаракати мошинҳо ба ду самт имконпазир гардид.

Дар ҷойи ҳодиса Комиссияи ноҳиявии ҲФ кор мекунад.

Талафоти ҷонӣ ва харобии дигар нест.