Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон ба таваҷҷуҳи меҳмонон ва сокинони кишвар мерасонад, ки рӯзҳои 13-14 июни соли равон дар навоҳии наздикӯҳӣ ва  кӯҳии тобеъи ҷумҳурӣ ва вилояти Суғд хатари омадани селҳо боқӣ мемонад.

Дар ҳамин иртибот Кумита ба сокинон тавсия медиҳад, ки то ҳадди имкон аз сафарҳо ба минтақаҳои хатар, ҷамъоварии ҳезум ва доруворӣ худдорӣ кунанд.

Кумита ҳамчунин аз аҳолӣ хоҳиш мекунад ҳангоми ҳаракат аз тариқи роҳҳи кӯҳиву ағбаҳо эҳтиёткор бошанд.

Ҳамчунин аз аҳолӣ хоҳиш карда мешавад сари вақт селроҳаҳо, ҷӯву каналҳои назди хонаҳои худро аз ҳар гуна хасу хошоку сангу рег тоза кунанд.

Дар ҳоли шоҳиди ягон ҳодисаи фавқулода шуданд шумо метавонед бо телефонҳои: 112, 223 13 11: 221 91 19 ва ё 93 880 28 19 занг занед ва кумак хоҳед.