Бо мақсади татбиқи Нақшаи чорабиниҳои Кумита оид ба мудофиаи гражданӣ, вокуниш, пешгирӣ ва бартарафсозии паёмадҳои ҳодисаҳои фавқулода ва иҷрои дастури Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон “Дар бораи таъсиси Ситоди пешигирӣ аз ғарқшавӣ” 19 июли соли 2023 дар соҳили кӯлҳои “Ҷавонон”, “Чорбоғ”, ҳамчунин соҳили каналу дарёҳое, ки аз қаламрави пойтахт убур мекунанд, корҳои таблиғотӣ гузаронида шуд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии ҳавошиносии Тоҷикистон хабар медиҳад, ки рӯзҳои 21-22 июли соли равон дар як қатор ноҳияҳои ғарбии ВМКБ, вилояти Суғд ва ноҳияҳои тобеъи ҷумҳурӣ хатари омадани селҳо ба асари об шудани пиряхҳо боқӣ мемонад, дар ҳавзаи дарёи Панҷ бошад болоравии сатҳи об дар назар дошта шудааст.

Наҷотдиҳандагон аз Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон муваффақ шуданд, ки як ҷавонзани 28-соларо, ки қасди худкушӣ дошт, наҷот диҳанд.

Ӯ сокини ҷамоати Хистеварзи ноҳияи Бобоҷон Ғафуров буд ва аз болои пул худро ба дарёи Сир андохта, хост бо ин васила ба ҳаёташ хотима бахшад.