Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба Агентии ҳавошиносси кишвар хабар медиҳад, ки рӯзҳои 6 – 7 июли соли 2023 дар як қатор ноҳияҳои ғарбии Вилояти Мухтори Кӯҳистони Бадахшон, ҳамчунин ноҳияҳои кӯҳии тобеъи ҷумҳурӣ ва вилояти Суғд хатари омадани селҳо бар асари об шудани пиряхҳо боқӣ мемонад.

Кормандони дастаи вокуниши фаврии Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Душанбе соати 02:24 дақиқаи рӯзи 5-уми июл ба кумаки як сокини кӯчаи Алишери Навоӣ, 11/9 рафтанд, то барои боз кардани дари бастаи ӯ, ки кӯдаки сесолааш дар дохил танҳо монда буд, ёрӣ расонанд.

Маълум набуд ин хонуми ҷавон чаро дар ин як поси шаб тифли сесоларо танҳо гузоштаву берун рафтааст ва дар баста шудаву натавонистааст ба он ворид шавад.

Ҳолатҳое мешаванд, ки бачаҳо аз шавқи бозӣ ва саргармӣ худ ба ногаҳ по ба фоҷеа мениҳанд. Бахусус ин шабу рӯзҳои гарм, ки аксаран соҳили обҳоро мавзеъи тафреҳу истироҳат қарор медиҳанд, хатарҳо зиёданд.

4 июли соли равон соати 17:10 дақиқаи вақти маҳаллӣ дар ҳудуди ҷамоати деҳоти Рӯшони ноҳияи Рӯшони ВМКБ бачаҳои маҳаллӣ чун одати ҳамешагӣ футбол мебозиданд