Марги се ноболиғ дар обҳои кишвар дар як шабонарӯз. Падарону модарон, фарзандонатонро беназорат нагузоред!!!
Чоп шуд: 24/04/2023 | admin![Марги се ноболиғ дар об](https://khf.tj/sites/default/files//styles/232_155/public/field/image/vodoyomy.jpg?itok=0DqpvSMj)
Шабонарӯзи гузашта аз марги се ноболиғ дар обҳои кишвар хабар расид. Чунончӣ, рӯзи 23-апрели соли равон ҳангоми оббозӣ дар ҷойи мамнуъ се ноболиғ, бачаҳои 12, 13, 14-солаи сокини ноҳияҳои Варзоб, Ёвони вилояти Хатлон ва шаҳраки Бӯстони ноҳияи Мастчоҳ дар об ғарқ шуда ба ҳалокат расиданд.
Ҷасади писарбачаи 14-сола, сокини шаҳраки Бӯстони ноҳияи Мастчоҳ бо талоши кормандони бахши ноҳиявии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва сокинони маҳаллӣ пайдо ва ба волидонаш супурда шуд.