Activities calendar

30 сентября 2019

Сели азим дар иёлоти Ҳинд беш аз сад нафарро куштааст

Мақомоти расмӣ эълон карданд, ки беш аз 100 нафар дар асари  селе, ки пас аз боронҳои шадид дар ду иёлоти шимолии Ҳинд омад, ба ҳалокат расиданд. ВВС навишт, ки ҳоло дар фазои маҷозӣ тасвирҳои дилхароше аз вуруди селоб ба минтақаҳои шаҳрӣ дар иёлотҳои Беҳор ва Уттар Прадеш гардон аст.

Мақомоти маҳаллӣ аз ин рӯйдод гузорши зиёд надодаанд, вале гуфтаанд, ки сел гардиши нақлиёт ва ҳатто қаторро дар роҳҳои оҳан мушкил кардааст. Як мақоми расмии иёлоти Уттар Прадеш гуфтааст, ки то кунун аз кушта шудани 93 нафар хабар доранд.

Аввалин мушоҳидаи муштараки аэровизуалӣ дар ҳавзи дарёи Шинг

Бо мақсади татбиқи Созишномаи байнидавлатӣ миёни Ҷумҳурии Тоҷикистон ва Ҷумҳурии Ӯзбекистон дар бораи ҳамкориҳо дар самти пешгирӣ ва бартарафсозии ҳолатҳои фавқулода ва қарори мушовараи муштараки КҲФ ҶТ ва ВҲФ Ҷуумҳурии Ӯзбекистон 28 сентябри соли 2019 Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бори аввал мушоҳидаи муштараки аэровузалии ҳавзи дарёи Шинг гузаронида шуд.