Activities calendar

12 сентября 2019

Наҷоти тифли дусола аз як пайҷои думетраи симчӯб дар Хатлон

Аз беназоратии волидон қариб буд як духтарчаи хандони дусола тарки олам кунад. Ин духтарча саргарми бозиҳои тифлонаи худ дар пайҷои умқаш думетраи симчӯб фурӯ рафт. Агар кормандони наҷот сари вақт намерасиданд, эҳтимол буд ин бетаваҷҷуҳӣ бо фоҷеа ба анҷом расад.

Ин ҳодиса рӯзи 11-уми сентябр рух дод. Соати 16:00 ба навбатдори Раёсати Кумитаи ҳолатҳои фавқулодда ва мудофиаи гражаднии назди Ҳукумати Ҷумҳурии Тоҷикистон дар вилояти Хатлон хабар расид, ки бар асари бетаваҷҷуҳии волидон тифле  дар мағоке  афтода, ки бештар аз ду метр умқ дорад.