Дар Рашт аз як қасди худкушӣ пешгирӣ шуд ва ин ба шарофати амали фавриву тадбирандешии оҷили воҳиди наҷоти Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар минтақаи Рашт муяссар гардид.

Бар қисми навбатдорӣ занг заданд, ки ҷавоне мехоҳад худкушӣ кунад, фавран ҳозир шавед! Ин ҷавон сокини 25-солаи деҳаи Сари Шухони ҷамоати Аскалони ноҳияи Рашт буд. Ин русто канори рӯди Сурхоб ҷойгир аст.