Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан ба маълумоти Агентии ҳавошиносии Тоҷикистон хабар медиҳад, ки то 25-уми июли соли равон аз сабаби болоравии дамои ҳаво дар баъзе ноҳияҳои тобеъи ҷумҳурӣ, вилояти Суғд ва қисмати ғарбии ВМКБ омадани селҳои пиряхӣ эҳтимол дорад.

Бино ба маълумоти бахши Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Панҷекат ҳалокшудагон дар сели рӯзи 19-уми июли соли равон дар рустои Киштӯдак аз 32 то се сол доштанд. 7 нафари онҳо аъзои як хонаводаанд.

Исми 8 нафаре, ки дар чарогоҳи  тобистона ба нигоҳубини чорво машғул буданд, ба ин тартиб аст:

Фавтидагон:

Тибқи маълумоти бахши Кумитаи ҳолатҳои фаавқулодда ва мудофиаи граждании назди Ҳукумати Ҷумҳурии Тоҷикистон дар шаҳри Ваҳдат рӯзи 0.07.2021, соати 11:50 дақиқа як кӯдаки 4-сола, истиқоматкунандаи шаҳри Ваҳдат, ҷамоати деҳоти Б. Бурунов, деҳаи Шодмон ҳангоми дастурӯшӯӣ дар рӯдхонаи Андигон сарозер шудааст. Ҳамроҳи ин тифл касе аз калонсолон набудааст.

Як шаҳрванди Чин бо исми Вон-лен Вияо ҳангоми моҳидорӣ дар канали магистралии ноҳияи Ёвон сарозер шудааст. Ин ҳодиса рӯзи 18-уми июли соли равон дар мавзеъи Лойқасой, воқеъ дар деҳаи Фурқати ҷамоати деҳоти Дӯстии ноҳияи Ҷомӣ рух додааст.

Бино ба гузориш Вон-Лен Вияо 31 сол дошта, тарҷумони  ҶДММ “Рушди кишоварзии Тоҷикистону Хитой” дар шаҳраки нави ноҳияи Ёвон будааст. Муваққатан дар ноҳияи Ёвон бо оила ва ду фарзандаш иқомат доштааст. 

Боронҳои пуршиддат, ки сабаби омадани селҳои харобкор дар ғарби Олмон шуда буданд, ба охир расиданд, сели пурхурӯш батариҷ рӯ ба оромӣ овард, сатҳи об дар рӯдхонаҳо поин рафт. Ин сели харобкор танҳо дар Олмон 157 нафар ва дар Белгия беш аз 30 нафарро кушт. Ҳоло дар Олмон ва Белгия теъдоде бенишон гум шудаанд ва табиист, ки омори марг ниҳоӣ нест, балки эҳтимоли афзоиши он вуҷуд дорад.