14 ноябри соли 2024 ҳайати наҷотдиҳандагони Британияи Кабир бо ташкили раванди таълим, бозомӯзӣ ва такмили ихтисоси кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон шинос шуданд ва аз Маркази ҷумҳуриявии таълимию методии КҲФ дидан карданд.

Ин дидор муҷиби як суҳбати муфассалу баррасии ҳамкориҳо миёни ҳайати британиёӣ ва  Маркази таълимию методии КҲФ шуд. Меҳмонон бо марҳилаҳои ташаккули Маркази наҷот, таҷҳизоти техникии он, барномаҳои амал, ки барои раванди таълим таҳия шудаанд, инчунин тренажерҳо ва воситаҳои техникӣ барои гузаронидани курсҳо шинос шуданд. Ҳайати намояндагон ҳамчунин аз майдони тамринии Марказ дидан кард, ки бо воситаҳои техникӣ барои таълими наҷотдиҳандагон муҷаҳҳаз гардидааст. Ин иншоотҳо имкон медиҳанд, ки барои тайёр кардани мутахассисоне, ки метавонанд ба ҳолатҳои фавқулодда самаранок вокуниш нишон диҳанд, муносибати беназирро фароҳам оранд.

Баҳси табодули таҷриба ва таҳияи барномаҳои муштараки таълимӣ, инчунин ҷорӣ намудани технологияҳои инноватсионӣ ва нармафзор дар раванди омодасозии кадрҳо барои КҲФ баррасӣ шуд.