Роҳбари Дастгоҳи Раис полковник Аюбзода Эроншо Гулаёз

Дар асоси Қарори Ҳукумати Ҷумҳурии Тоҷикистон аз 19 ноябри соли 2017, №547 “Дар бораи Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон” Раёсати корҳо ва нашрияи Кумита ба Дастгоҳи Раиси Кумита табдил дода шуд.

Дастгоҳи Раиси Кумита сохтори таркибии Дастгоҳи марказии Кумита ба ҳисоб рафта дар доираи фаъолияти худ назорат ва иҷрои талаботи қонунҳо, фармону амрҳои Президенти Ҷумҳурии Тоҷикистон, қарору фармоишҳои Ҳукумати Ҷумҳурии Тоҷикистон, фармону дастурҳои Раиси Кумита, пешбурди дурусти коргузори аз тарафи тамоми сохторҳои таркибии Кумита амалӣ намуда, қонунҳои Ҷуҳурии Тоҷикистон, амру фармонҳои Президенти Ҷумҳурии Тоҷикистон, қарорҳои Маҷлиси Миллӣ ва Маҷлиси намояндагони Маҷлиси Олии Ҷумҳурии Тоҷикистон, Ҳукумати Ҷумҳурии Тоҷикистон ва дигар ҳуҷҷатҳое, ки аз корхонаю муассисаҳо. ба Кумита ворид мегардад ба Раиси Кумита пешниҳод намуда, амалисозии онҳоро назорат мебарад.

Фаъолияти тамоми сохторҳои таркибии Кумитаро дар самти ҳуҷҷатгузорӣ , гузоришу мактубҳо ва дигар ҳуҷҷатҳои расмӣ ва ирсол намудани онро ба ҳамаи мақомотҳою идораҳои дахлдор назорат мебарад.

Дастгоҳи Раиси Кумита роҳбариро аз рӯи фаъолияти худ дар асоси санадҳои меъёрии амалкунандае, ки Кумита ба роҳбарӣ гирифтааст, аз ҷумла низомномаи Кумита ва низомномаи Дастгоҳи Раиси Кумита инчунин Оинномаҳои Қувваҳои Мусаллаҳи Ҷумҳурии Тоҷикистон ба роҳ мондааст.

Ба ҳайати Дастгоҳи Раис шуъбаву бахшҳои зерин дохил мешаванд:

  • -Шуъбаи супоришҳои махсус ва бехатрии дохилӣ;
  • -Шуъбаи ташкил ва назорати коргузорӣ;
  • -Бахши фармонҳо, бойгонӣ ва муроҷиати шаҳрвандон;
  • -Бахши қабулгоҳи Раис ва муовинони он;
  • -Бахши реҷаи махфӣ;
  • -Бахши нашрия.