Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Хатлон аз наҷоти 3 узви як оила хабар дод, ки дар кӯҳҳои ноҳияи Дӯстӣ раҳгум задаву илоҷи поин омадан надоштанд.

Рӯзи 14-уми феврали соли равон тахминан соати 20:43 дақиқ ба қисми навбатдорӣ хабар расид, ки се узви як оила аз деҳаи Энгелси ҷамоати деҳоти Ҳалеварди ноҳияи Ҷалолуддини Бахлӣ, ки аз 41 то 53 сол доштанд, сайру саёҳати кӯҳ рафтаву раҳгум задаанд.