18 – уми июни соли 2023 соати 09:30 дақиқаи вақти маҳаллӣ ҳангоми оббозӣ дар ҷойи мамнуъ як сокини 16-солаи шаҳри Хуҷанд ғарқ шуд.

Ғаввосони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд ба ҷойи ҳодиса расида, баъди роҳандозии корҳои ҷустуҷӯӣ ҷасади наврасро аз об берун оварданд ва ба

Бино ба маълумоти Қисми навбатдории Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон шабонарӯзи гузашта дар қаламрави кишвар ягон ҳодисаи фавқулодаи табиӣ ба қайд гирифта нашуд, вале мутаассифона рӯйдодҳои нохуше ба вуқуъ пайвастанд, ки талафоти ҷонӣ доштанд.

Таъмини бехатариву амният дар обҳо яке аз вазифаҳои басо муҳимест, ки ин шабу рӯз кормандони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бар душ доранд. Мавсими тобистону оғози оббозӣ ва истироҳати тобистона дар соҳили рӯду канори кӯлу обанборҳост ва ин боис шуда, ки кормандони КҲФ дар баъзе манотиқ навбатдории ҳамешагӣ ташкил кунанд ва дар манотиқи дигар пайваста корҳои таблиғотиро роҳандозӣ кунанд, то аз шумори ғарқшудагон бикоҳанд.

Қисми навбатдории Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз ҳалокати се нафар дар обҳои кишвар дар шабонарӯзи гузашта хабар дод, ки ду тани онҳо бачаҳо буданд. Бино ба маълумоти расида ин ду кӯдаки ғарқшуда  бе назорати волидон дар соҳили обҳо ҳузур доштанд. То 16-уми июни соли 2023 дар обҳои кишвар 62 нафар ғарқ шуданд, ки 35 нафари онҳо кӯдакон ва наврасони то 16-сола мебошанд.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон истинодан дар маълумоти Агентии ҳавошиносии кишвар ба диққати сокинон ва меҳмонони мамлакат мерасонад, ки рӯзҳои 16-20 июни соли бар асари болоравии дамои ҳаво об шудани барфу пиряхҳо дар назар аст. Ин ҳолат метавонад сабабгори омадани селҳо дар минтақаҳои гуногун ва боло рафтани сатҳи об дар рӯдхонаҳо шавад.